اقتوبە. 16 قاڭتار. «قازاگروقارجى» اكتسيونەرلىك قوعامىنىڭ قولداۋىمەن اقتوبە وبلىسىندا ازىق-ت ۇلىك بەلدەۋى قۇرىلدى. بۇل تۋرالى egemen.kz ءتىلشىسى حابارلادى.
«قازاگروقارجى» اق-تىڭ اقتوبە وبلىستىق فيليالىنىڭ ديرەكتورى قورعان ءنۇرتازيننىڭ ايتۋىنشا, اكتسيونەرلىك قوعامنىڭ ەكى ءسۇت-تاۋار فەرماسى, شوشقا فەرماسى, ەكى رەپرودۋكتور, ەكى جىلىجاي, كوكونىس قويماسى جانە بىرقاتار وڭدەۋشى كاسىپورىن سالىندى. 2000 جىلدان بەرى «قازاگروقارجى» اكتسيونەرلىك قوعامى تاراپىنان وبلىستىڭ اۋىلشارۋاشىلىعى تەحنيكالىق پاركىن جاڭارتۋ ماقساتىندا 24,2 ملرد. تەڭگە قارجى قارالدى. ال بيىل بۇل ماقساتتا 7 ملرد. تەڭگە قاراجات ءبولىندى. 2000 جىلدان بەرى وبلىستا 478 اۋىل شارۋاشىلىق قۇرىلىمىنا 976 تەحنيكا بەرىلدى.
اتالعان قۇرىلىمنىڭ قولداۋىمەن «ءىرى قارا ەتىنىڭ ەكسپورتتىق الەۋەتىن دامىتۋ» باعدارلاماسى اياسىندا شەتەلدەن ەتتى جانە ءسۇتتى باعىتتاعى 3000 باس ءىرى قارا ساتىپ الىنعان. بيىل ۇلتتىق قور قارجىسى مەن بيۋدجەتتەن تىس قاراجات ەسەبىنەن 7 ينۆەستيتسيالىق جوبانى جۇزەگە اسىرۋ ماقساتىندا 6,5 ملرد. تەڭگە بولىنگەن. وبلىستاعى 108 شارۋاشىلىق جالپى قۇنى 645,9 ملن. تەڭگە بولاتىن 203 تەحنيكا ساتىپ الۋ ماقساتىندا 175 كەلىسىم جاساعان.
2013 جىلدان باستاپ جۇزەگە اسىرىلىپ كەلە جاتقان شارۋاشىلىقتاردى قارجىلاي ساۋىقتىرۋ جانە ليزينگ بويىنشا الىنعان تەحنولوگيالىق جابدىقتاردى سۋبسيديالاۋ باعدارلاماسى شەڭبەرىندە 283,1 ملن. تەڭگە مەملەكەت تاراپىنان سۋبسيديالانعان.
قورعان ءنۇرتازيننىڭ ايتۋىنشا, بۇگىندە اكتسيونەرلىك قوعامىنىڭ قارجىلاندىرۋىمەن اقتوبە وڭىرىندە 15 ءىرى جوبا جۇزەگە اسىرىلۋدا.
ساتىبالدى ءساۋىرباي.
دەرەك: egemen.kz.
سۋرەت: forums.garene.ru.