ماڭعىستاۋ وبلىسىندا تۇرعىنداردىڭ قۇقىقتىق كومەككە قولجەتىمدىلىگىن ارتتىرۋعا باعىتتالعان «تەگىن زاڭ كومەگى» اكتسياسى ۇيىمداستىرىلدى. ءىس-شارا حالىققا ساپالى قۇقىقتىق قىزمەت كورسەتىپ, قۇقىقتىق ساۋاتتىلىقتى كۇشەيتۋدى كوزدەيدى, دەپ جازادى Egemen.kz.
اكتسيا «زاڭ مەن ءتارتىپ» قاعيداتىن ىلگەرىلەتۋ اياسىندا وبلىستىق ادىلەت دەپارتامەنتىنىڭ باستاماسىمەن ءوتتى. وعان «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ وڭىرلىك فيليالى مەن وبلىس اكىمدىگى قولداۋ كورسەتتى.
شارانىڭ نەگىزگى ماقساتى – ازاماتتارعا قولجەتىمدى ءارى كاسىبي قۇقىقتىق كەڭەس بەرۋ, قۇقىقتارىن قورعاۋدىڭ ءتيىمدى جولدارىن ءتۇسىندىرۋ جانە قوعامدا قۇقىقتىق مادەنيەتتى قالىپتاستىرۋ. سونىمەن قاتار تۇرعىنداردىڭ كۇندەلىكتى ومىردە كەزدەسەتىن قۇقىقتىق ماسەلەلەرىن شەشۋگە ناقتى كومەك كورسەتۋگە باسىمدىق بەرىلدى.
ءىس-شاراعا ادىلەت دەپارتامەنتىنىڭ باسشىسى ا. كارىموۆ, «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق وبلىستىق فيليالى باسشىلىعى, سونداي-اق زاڭ قاۋىمداستىقتارىنىڭ وكىلدەرى قاتىستى. نوتاريۋستار, جەكە سوت ورىنداۋشىلار, ادۆوكاتتار مەن زاڭ كونسۋلتانتتارى ازاماتتارعا تەگىن كەڭەس بەردى.
اكتسيا بارىسىندا ءارتۇرلى قۇقىق سالالارى بويىنشا سۇراقتارعا ناقتى تۇسىندىرمەلەر ۇسىنىلىپ, تۇرعىندارعا جەدەل قۇقىقتىق كومەك كورسەتىلدى. بۇل باستاما حالىقتىڭ مەملەكەتكە دەگەن سەنىمىن ارتتىرۋعا جانە قۇقىقتىق كومەكتىڭ قولجەتىمدىلىگىن كەڭەيتۋگە ىقپال ەتتى.
ەرتەڭ زاڭگەرلەر قازاقستاندىقتارعا تەگىن كەڭەس بەرەدى
سونىمەن قاتار مەملەكەت باسشىسىنىڭ تاپسىرمالارىن ىسكە اسىرۋ شەڭبەرىندە وڭىردە قۇقىقتىق ينفراقۇرىلىم دا دامىپ كەلەدى. بۇگىندە وبلىس بويىنشا 50-گە جۋىق ەلدى مەكەندە قۇقىقتىق كابينەتتەر اشىلعان. ولار اۋىلدىق وكرۋگ اكىمدىكتەرىنىڭ عيماراتتارىندا ورنالاسىپ, زاماناۋي تەحنيكالىق قۇرالدارمەن جابدىقتالعان.
اتالعان كابينەتتەر ارقىلى تۇرعىندار «ادىلەت» اقپاراتتىق-قۇقىقتىق جۇيەسىنە, «زاڭ» دەرەكتەر بازاسىنا, سونداي-اق eGov, e-ءوتىنىش, «اشىق نقا» پلاتفورمالارىنا قول جەتكىزە الادى.
بۇل مۇمكىندىك اسىرەسە شالعاي اۋىلداردا تۇراتىن جانە الەۋمەتتىك تۇرعىدان وسال توپتارعا جاتاتىن ازاماتتار ءۇشىن ماڭىزدى. قۇقىقتىق كابينەتتەر حالىقتىڭ قۇقىقتىق ساۋاتىن ارتتىرىپ, مەملەكەتتىك قىزمەتتەرگە قولجەتىمدىلىكتى كەڭەيتۋگە جول اشىپ وتىر.
جالپى, ماڭعىستاۋ وبلىسى ادىلەت دەپارتامەنتى ازاماتتاردىڭ قۇقىقتىق كومەككە سۇرانىسىن قامتاماسىز ەتۋ باعىتىندا جۇيەلى جۇمىس جۇرگىزىپ كەلەدى. مەملەكەتتىك ورگاندار مەن زاڭ قاۋىمداستىقتارىمەن بىرلەسكەن بۇل باستامالار الداعى ۋاقىتتا دا جالعاسىپ, ازاماتتاردىڭ قۇقىقتارى مەن زاڭدى مۇددەلەرىن قورعاۋعا قىزمەت ەتپەك.
الاياقتىقتىڭ الدىن الۋ: ۇستازدار اراسىندا ارنايى اكتسيا ۇيىمداستىرىلدى