بۇل تۋرالى سۋ رەسۋرستارى جانە يرريگاتسيا مينيسترلىگىنەن بەلگىلى بولدى, دەپ حابارلايدى Egemen.kz.
ەلىمىزدىڭ سۋ قويمالارىنا 75 ميلليارد تەكشە مەتر سۋ جينالدى. بۇل بىلتىرعى جىلمەن سالىستىرعاندا 15 ميلليارد تەكشە مەترگە ارتىق. سونىمەن قاتار جينالعان سۋدىڭ 12 ميللياردتان استامى – تاسقىن سۋى.ايتا كەتسەك, قازاقستاننىڭ سۋ قويمالارى 89 ملرد تەكشە مەتر سۋ جيناي الادى.
«ەلىمىزدە تاسقىن سۋىن جيناۋ جۇمىسى ءالى جالعاسىپ جاتىر. سۋ تاسقىنى كەزەڭى باستالعالى بەرى بالقاش كولىنە 3,3 ملرد تەكشە مەتر, كاسپي تەڭىزىنە شامامەن 6 ملرد تەكشە مەتر سۋ جىبەرىلدى», دەپ ناقتىلادى اتالعان مينيسترلىكتىڭ رەسمي وكىلى ءمولدىر ابدۋاليەۆا.