اۋقىمى كەڭ جوبا

بيىل ناۋرىز ايىندا قازاقستان مەن قىتاي «تسزيانسۋ – ورتالىق ازيا» كوپفۋنك­تسيونالدى ورتالىعىن قۇرۋ تۋرالى كەلىسىمگە كەلگەن ەدى. ەكسپورتتى قولداۋ بويىنشا «QazTrade» ۇلتتىق وپەراتورى مەن «Jiangsu SOHO Holdings Group Co Ltd» حالىقارالىق كومپانيالار توبى ءتيىستى قۇجاتقا قول قويعان. تاراپتار قىتايدىڭ تسزيانسۋ پروۆينتسياسىندا ساۋدا ورتالىعىن اشىپ, ساۋدا سورەلەرىندە ءبىزدىڭ ونىمدەردى ساتىلىمعا شىعارۋعا شەشىم قابىلداعان بولاتىن.

تسزيانسۋعا ساپارى بارىسىندا ارمان شاققاليەۆ كومپانيا وكىلدەرىمەن بىرقاتار كەزدەسۋ وتكىزىپ, قازاقستان مەن ور­تالىق ازيا ەلدەرى ءۇشىن سالىن­عان ساۋدا پاۆيلونىن ارالادى.

«SOHO Holdings Group» وكىلىنىڭ ايتۋىنشا, جوبا اياسىندا نانكين قالاسىنىڭ دامى­عان اۋدانىندا 11 عيما­رات سالۋ جوسپارى بار. بۇل نىسان­داردىڭ بارلىعى بيزنەس­تىڭ جاڭا تۇرلەرىن, سونىڭ ىشىندە ترانسشەكارالىق نىسان­­دار­دى ورنالاستىرۋعا ارنال­عان. قازاق­ستاندىق جانە ورتالىق ازيا مەم­لەكەتتەرىنىڭ ءونىم وندىرۋ­شىلەرى ءۇشىن ءتورت قابات­تى بولەك پاۆيلون قاراس­تىرىلعان.

«قىتاي – ءبىزدىڭ ستراتە­گيالىق ساۋدا سەرىكتەسىمىز. قازاقستانمەن ەكىجاقتى ساۋ­دا اينالىمىندا جەتەكشى ورىن الادى. مەملەكەت باسشىسى قىتايمەن ءوزارا ساۋدانى 100 ميلليارد دوللارعا جەتكىزۋ مىندەتىن قويدى. «تسزيانسۋ – ورتالىق ازيا» جوباسىن جۇزەگە اسىرۋ وتان­دىق وندىرۋ­شىلەردىڭ قىتاي نارى­عى­نا شىعۋىنا ىقپال ەتىپ, ەكى ەل اراسىنداعى ساۋدا-ەكونوميكالىق قا­رىم-قا­تى­ناستىڭ كەڭەيۋىنە سەرپىن بەرەدى», دەيدى ارمان شاققاليەۆ.

مينيستر ساۋدا پاۆيلونى­نىڭ اۋماعى 2 مىڭ شارشى مەتردى قۇرايتىنىن, ونىڭ باسىم بولىگى ەلىمىزدىڭ تاۋارلار كورمەسىنە بولىنەتىنىن اتاپ ءوتتى. جوبا ازىرلەۋشىلەردىڭ ايتۋىنشا, ساۋدا كەشەنىنىڭ ءبىرىنشى قاباتىندا قىتايلىق كەلۋشىلەر ءۇشىن قازاقستاننىڭ مادەنيەتى مەن ەرەكشەلىكتەرى تۋرالى تانىستىرۋ الاڭى ورنالاسادى. ەكىنشى قاباتتا ءارتۇرلى ساناتتاعى وتاندىق تاۋاردى كورسەتۋ ۇسىنىلادى. ونىڭ ىشىندە اۋىل شارۋاشىلىعى ونىمدەرى, ونەركاسىپ تاۋارلارى مەن باسقا دا تاۋارلار بولادى. قالعان قاباتتاردا بىزدەگى كومپانيالاردىڭ كەڭسەلەرى ورنالاسادى.

قىتايلىق سەرىكتەستەر­دىڭ ايتۋىنشا, نانكيندەگى «ورتالىق ازيا – تسزيانسۋ» ساۋدا ورتالىعىنىڭ رەسمي اشىلۋى قىركۇيەك ايىنا جوسپارلان­عان. وسىعان وراي ساۋدا جانە ينتەگراتسيا ءمينيسترى ارمان شاققاليەۆ ەلىمىزدىڭ تاۋار ۇلگىلەرىن قىتايدىڭ تسزيانسۋ پروۆينتسياسىنا جونەلتۋدە جەدەل دايىندىقتى باستاۋ قاجەتتىگىن ەسكەرتتى.

وسىنداي كوپفۋنكتسيونال­دى ورتالىقتى ەلىمىزدە دە سالۋ جوس­پاردا بار. ورتالىق قىتاي­لىق جانە وتاندىق تاۋار­لار ۆيتريناسىنىڭ ءرولىن اتقارىپ قانا قويمايدى, وندا بيزنەس وكىلدەرى حالىقارالىق سەرىك­تەستەرمەن كەلىسىمشارتقا وتىرا­دى, ىسكەرلىك كەلىسسوز جۇر­گىزەدى, قارجىلىق جانە كەڭەس بەرۋ قىزمەتتەرىن الادى, ساۋدا وپەراتسيالارىن راسىمدەيدى.