"قازگيدرومەت" رمك قازاقستان ايماقتارىندا 2024 جىلعى 30 مامىردا بولاتىن قاۋىپتى مەتەورولوگيالىق قۇبىلىستارعا بولجام جاسادى, دەپ حابارلايدى Egemen.kz.
قازاقستاننىڭ باسىم بولىگىندە الدىڭعى جۇيەلەرمەن اۋا رايىنىڭ تۇراقسىز سيپاتىن قالىپتاستىرادى, نايزاعاي جارقىلداپ, بۇرشاقپەن, ەكپىندى جەلمەن جاڭبىر جاۋادى, وڭتۇستىك-شىعىستىڭ تاۋلى اۋداندارىندا جاڭبىر مەن قار تۇرىندە جاۋىن-شاشىن, قازاقستاننىڭ سولتۇستىگىندە قاتتى جاڭبىر جاۋادى. ەلدىڭ باتىس جانە وڭتۇستىك ايماقتارى انتيتسيكلوننىڭ اسەرىنەن اۋا رايىن جاۋىن-شاشىنسىز ساقتايدى.
رەسپۋبليكانىڭ وڭتۇستىك-باتىسىندا شاڭدى داۋىل, سولتۇستىگىندە, سولتۇستىك-باتىسىندا تۇنگى جانە تاڭەرتەڭگى ۋاقىتتا تۇمان بولادى دەپ كۇتىلەدى.
تۇندە شىعىس قازاقستان وبلىسىنىڭ شىعىسىندا, سولتۇستىك قازاقستان وبلىسىنىڭ سولتۇستىك-شىعىسىندا 1-3 گرادۋس اياز كۇتىلەدى.
اتىراۋ وبلىسىنىڭ وڭتۇستىگىندە, سولتۇستىگىندە, باتىس قازاقستان وبلىسىنىڭ باتىسىندا, سولتۇستىگىندە, ورتالىعىندا, جەتىسۋ وبلىسىنىڭ شىعىسىندا, تۇركىستان وبلىسىنىڭ ورتالىعىندا, سولتۇستىك-شىعىسىندا, جامبىل وبلىسىنىڭ باتىسىندا, شىعىسىندا, قوستاناي وبلىسىنىڭ وڭتۇستىگىندە, اقتوبە وبلىسىنىڭ باتىسىندا ساقتالادى, شىعىس قازاقستان وبلىسىنىڭ وڭتۇستىگىندە, قىزىلوردا وبلىسىنىڭ ورتالىعىندا جوعارى ءورت قاۋپى كۇتىلەدى.
تۇركىستان وبلىسىنىڭ ءشولدى اۋداندارىندا, باتىس قازاقستان وبلىسىنىڭ باتىسىندا (جانىبەك اۋدانىنىڭ باتىس بولىگىندە), اتىراۋ وبلىسىنىڭ باتىسىندا ساقتالۋدا, قىزىلوردا وبلىسىنىڭ شىعىسىندا توتەنشە ءورت قاۋپى كۇتىلەدى.