«قازگيدرومەت» رمك مالىمەتىنشە, 24 مامىردا ەلىمىزدىڭ باسىم بولىگىندە تۇراقسىز اۋا رايى ساقتالادى, نايزاعاي ويناپ, جاڭبىر جاۋادى, ەكپىندى جەل سوعادى.
«سولتۇستىكتە - قاتتى جاۋىن-شاشىن (جاڭبىر, قار), سولتۇستىك-باتىستا, وڭتۇستىكتە - قاتتى جاڭبىر, رەسپۋبليكانىڭ سولتۇستىگىندە, سولتۇستىك-باتىسىندا, وڭتۇستىگىندە, شىعىسىندا بۇرشاق جاۋى مۇمكىن. ەلدىڭ وڭتۇستىك-باتىسىندا ەكپىندى جەل كۇتىلەدى, شىعىستا, سولتۇستىكتە, ورتالىقتا تۇمان تۇسەدى», دەلىنگەن حابارلامادا.
بولجام بويىنشا, سولتۇستىك قازاقستاننىڭ سولتۇستىگىندە, اقتوبە, قوستاناي وبلىستارىنىڭ سولتۇستىك-باتىسىندا تۇندە -1-3°س اياز بولادى.
سينوپتيكتەر قوستانايدىڭ وڭتۇستىگىندە, اتىراۋدىڭ سولتۇستىك-باتىسىندا, قىزىلوردانىڭ شىعىسىندا, باتىسىندا, باتىس قازاقستاننىڭ وڭتۇستىك-باتىسىندا, سولتۇستىك-باتىسىندا, شىعىسىنىڭ وڭتۇستىك-شىعىسىندا, قازاقستان, اباي وبلىستارىنىڭ ورتالىعىندا جوعارى ءورت قاۋپى ساقتالاتىنىن قوسا حابارلادى.
«اباي وبلىسىنىڭ وڭتۇستىگىندە, تۇركىستان وبلىستارىنىڭ ءشولدى ايماقتارىندا, جەتىسۋ وبلىسىنىڭ شىعىسىندا وتە جوعارى ءورت قاۋپى ساقتالادى», دەپ حابارلادى «قازگيدرومەت» رمك.