سينوپتيكتەردىڭ بولجامىنا قاراعاندا, ەلىمىزدە نايزاعاي ويناپ, بۇرشاق جاۋادى, قاتتى جەل سوعىپ, تۇمان تۇسەدى.
«وڭتۇستىك تسيكلوننىڭ جانە ونىمەن بايلانىستى اتموسفەرالىق فرونتالدى بولىكتەردىڭ جىلجۋىنا بايلانىستى قر باسىم بولىگىندە نايزاعاي ويناپ, جاڭبىر جاۋادى, ەلىمىزدىڭ باتىسىندا قاتتى جاڭبىر جاۋادى, اراسىندا بۇرشاق تۇسەدى دەپ بولجانادى. رەسپۋبليكامىزدىڭ سولتۇستىگىندە عانا جاۋىن-شاشىنسىز اۋا رايى كۇتىلەدى. باتىستا, وڭتۇستىكتە قاتتى جەل سوعادى, وڭتۇستىك-باتىستا, سولتۇستىك-باتىستا, ورتالىقتا تۇنگى جانە تاڭەرتەڭگى ۋاقىتتا تۇمان بولادى دەپ كۇتىلەدى», دەيدى ماماندار.
تۇندە اقمولا, شىعىس قازاقستان وبلىستارىنىڭ شىعىسىندا, سولتۇستىك قازاقستان وبلىسىنىڭ سولتۇستىگىندە سىناپ باعانى 1-2 گرادۋس سۋىقتى كورسەتەدى, توپىراقتىڭ بەتى قاتىپ, ۇسىك جۇرەدى.
قاراعاندى وبلىسىنىڭ وڭتۇستىگىندە, ۇلىتاۋ وبلىسىنىڭ ورتالىعىندا, قىزىلوردا, تۇركىستان وبلىستارىنىڭ باتىسىندا, اباي وبلىسىنىڭ وڭتۇستىگىندە ءورت قاۋپى جوعارى بولادى.