جول ەرەجەسىن بۇزۋشىلار ازايماي تۇر

وقيعانىڭ نەمەن اياق­تال­عا­نى­­نا كەيىنىرەك توقتالارمىز. اي­­تا­يىن دەگەنىمىز, وڭىردەگى كري­مي­نو­گەن­دىك احۋال مەن جول قاۋىپ­سىز­د­ىگى تۋرا­لى ەدى. تۇركىستان وبلى­سىن­دا قىلمىستاردىڭ سانى 9%-عا تومەندەگەن. ونىڭ ىشىندە اسا اۋىر جانە اۋىر قىلمىستار – 20, قاراق­شىلىق – 50, ۇرلىق – 34,3, بۇزا­قى­لىق 22,5 پايىزعا ازايعان. ال ينتەر­نەتتەگى الاياقتىقتىڭ اۋىر تۇر­­لەرىن تىركەۋ دەرەكتەرى 65,2%-عا وسكەن. زاڭسىز اينالىمدا جۇر­­­گەن «ترامودول» دارىسىنە توس­­­قاۋىل قويۋدا 33 قىلمىستىق ءىس انىقتالىپ, ايعاق زاتتار تار­كى­لەن­گەن. وڭىردە سپيرتتىك ىشىم­دىك­تەن باس تارتقان اۋىلدار سانى ارتقان.

وبلىس اكىمدىگى جانىنداعى قۇقىقبۇزۋشىلىق پروفيلاكتيكاسى جونىندەگى ۆەدومستۆوارالىق كوميسسيا وتىرىسىندا وسىنداي دەرەكتەردى كەلتىرگەن پوليتسيا دەپارتامەنتى باسشىسىنىڭ ءبىرىنشى ورىنباسارى باعلانبەك ايتباەۆتىڭ مالىمدەۋىنشە, وڭىردە كريمينوگەندىك جاعداي تۇراقتى. ال ەكونوميكالىق تەرگەپ-تەكسەرۋ دەپارتامەنتىنىڭ اعا جەدەل ۋاكىلى گۇلزيا قارسىبايدىڭ ايتۋىنا قاراعاندا, قازىرگى تاڭدا اقپاراتتىق جۇيەگە سايكەس ينس­تاگرام الەۋمەتتىك جەلىسىندە قارجى پيراميدالارىنىڭ كۇدىك قاۋىپتەرى بار «X-LINE», «B2B», «Marqar» اككاۋنتتارىنىڭ وبلىس اۋماعىندا قارقىندى دا­مى­­­عانى انىقتالعان. قارجى پي­را­­­ميداسىن قۇرۋ جانە وعان باس­شىلىق ەتۋ دەرەگىمەن تىركەلگەن 2 قىلمىستىق ءىس تەرگەپ-تەكسەرىلىپ جاتىر. جۇرگىزىلگەن تالداۋ بارىسىندا شامامەن 650 ملن تەڭگەگە 2000-نان اسا سالىمشىنىڭ وبلىس اۋماعىندا, اتاپ ايتقاندا تۇلكىباس جانە تولەبي, جەتىساي, ماقتاارال اۋداندارىنىڭ تۇر­عىندارى ەكەنى بەلگىلى بولعان. اتالعان ىستەر بويىنشا تەرگەۋ سوتىنىڭ قاۋلىسىمەن 15 كۇدىكتىگە قاتىستى بۇلتارتپاۋ شاراسى قولدانىلعان.

پوليتسيا دەپارتامەنتىنىڭ باسشىسى مۇرات قابدەنوۆ جەكە قۇرامعا «تازالىق» جەدەل-پروفي­لاك­تيكالىق ءىس-شارا­سىن وتكىزۋدى تاپسىرعان بولاتىن. وبلىس پولي­تسەيلەرى 2 تاۋلىك ىشىندە 595 قۇقىق­بۇزۋشىلىقتى انىقتادى. ونىڭ ىشىندە بەلگىلەنبەگەن ورىنداردا ساۋدا-ساتتىق جاساعان 93 ازامات جاۋاپقا تارتىلدى. ال ۇساق بۇزا­قىلىق, ياعني قوعامدىق ورىنداردا بىلاپىت سويلەۋ, جەكە تۇلعانى جابىرلەپ ءتيىسۋ, م ۇلىكتى قورلاۋ جانە اينالاسىنداعىلاردى سىي­لا­ماۋشىلىقتى بىلدىرەتىن تىنىش­تىق­تى بۇزۋ بويىنشا 8 اكىمشىلىك قۇقىقبۇزۋشىلىق انىقتالعان.

وبلىستا «قاۋىپسىز جول» جە­دەل-پروفيلاكتيكالىق ءىس-شارا­سى وتكىزىلگەن بولاتىن. پولي­تسيا ءسوزىمىزدىڭ باسىندا ايتىپ وتكەن وقيعانىڭ باس كەيىپكەرى, ياعني «تويىپ ءىشىپ العانىن» ءوزى دە مويىنداعان ماس ايەلگە قاتىستى ءىس قۇ­جاتتارىن جيناقتاپ, سوتقا جول­­دادى. ناتيجەسىندە, 27 جاس­تاعى اۆتو­لەدي جۇرگىزۋشى كۋا­لى­گىنەن, 7 جىل مەرزىمگە كولىك باسقارۋ قۇقىعىنان ايىرىلدى.

جالپى, «قاۋىپسىز جول» جەدەل-پروفيلاكتيكالىق ءىس-شاراسى كەزىن­­دە وبلىس پوليتسەيلەرى 16 838 اكىم­­شىلىك قۇقىقبۇزۋشىلىقتى انىق­­تادى, ونىڭ ىشىندە ماس كۇيىندە اۆتوكولىكتى باسقارعانى ءۇشىن 38 جۇرگىزۋشى ۇستالدى. سونداي-اق قارسى جولاققا شىققانى ءۇشىن 17 جۇرگىزۋشى, باعدارشامنىڭ تىيىم سالاتىن سيگنالىنا وتكەنى ءۇشىن – 80, جول-كولىك اپاتتىق جاعداي جاساعانى ءۇشىن – 43, كولىكتى زاڭسىز قايتا جابدىقتاعانى ءۇشىن –117 جانە جولاۋشىلاردى زاڭسىز تاسىمالداعانى ءۇشىن 3 جۇرگىزۋ­شى انىقتالدى. جىل­دامدىقتى اسىرعان – 4 922, قاۋىپ­سىز­دىك بەلدىكتەرىن پايدالانباعان – 1 846, مانەۆر جاساۋ ەرەجەلەرىن بۇزعان – 610 جانە كولىكتى باسقارعان كەزدە تەلەفوندى پايدالانعان 873 جۇرگىزۋشىگە ايىپپۇل سالىندى. 657 اۆتوكولىك ايىپپۇل تۇراعىنا قويىلدى. سونداي-اق پوليتسەيلەر «قورعاۋ» باعدارلاماسىنىڭ كومەگىمەن اكىمشىلىك ايىپپۇلدار بويىنشا بەرەشەگى بار جانە كەلىپ تۇسكەن سوت قاۋلىلارىنىڭ نەگىزىندە جۇرگىزۋشىلەردى انىقتاۋ جۇمىستارىن جالعاستىرىپ كەلەدى. ماسەلەن, پوليتسياعا 4 ميلليون تەڭگەدەن استام سوماعا بەرەشەگى بار «BMW» اۆتوكولىگى بويىنشا سيگنال ءتۇستى. پوليتسەيلەر اتالعان كولىكتى تۇركىستان قالاسىنىڭ كوشەسىنەن انىقتادى. سونداي-اق سايرام اۋدانىنىڭ پاترۋلدىك پوليتسيا ينسپەكتورلارى قارىزى شامامەن 9,5 ميلليون تەڭگەنى قۇراي­تىن «Hyundai» اۆتوكولىگىنىڭ جۇرگىزۋشىسىن توقتاتتى. قوس اۆتوكولىك ايىپپۇل تۇراعىنا قويىل­دى. ال ورداباسى اۋداندىق پولي­تسيا ءبولىمى «Cadillac Escalade» كولى­گىن كوشەلەردىڭ بىرىندە توق­تا­تىپ, ايىپپۇل تۇراعىنا ورنالاس­تىر­دى. سوت ورىنداۋشىنىڭ قاۋ­لى­­سىنا سايكەس اتالعان كولىك قۇرا­لى­نىڭ جۇرگىزۋشىسىنە 6 ميلليون تەڭ­گەگە جۋىق قارىز ەسەپتەلگەنى بەل­گىلى بولدى.

تۇركىستان وبلىسىندا ەم­دىك قاسيەتى بار ساسىق كەۋرەك جانە قىزىل ميا وسىمدىگى جو­يىلۋ قاۋ­پى­نىڭ الدىندا تۇر. وسىعان قاتىس­تى جۇرگىزىلگەن عىلىمي زەرت­تەۋ جۇمىستارىنىڭ ناتيجەلەرى بو­يىنشا اتالعان وسىمدىكتەردى «قى­زىل كىتاپقا» ەنگىزۋ جۇمىستارى جۇر­گىزىلىپ جاتىر. وبلىس اكىمىنىڭ تاپ­سىر­ماسىمەن «التىن تامىر» دەگەن قوسىمشا اتاۋى بار جابايى وسەتىن ساسىق كەۋرەك پەن ميا­نى الۋعا تىيىم سالىنباق. وبلىس اكىمدىگى جانىنداعى قۇقىقبۇزۋ­شىلىق پروفيلاكتيكاسى جو­نىن­دەگى ۆەدومستۆوارالىق كوميس­سيا­ وتىرىسىندا ءتارتىپ ساقشى­لا­رى وسىلايشا تابيعاتتى قور­عاۋ ما­سە­لەسى دە نازاردان تىس قال­ما­عا­نىن اڭعارتتى. ورمان كۇز­ەتى قىز­مەت­كەرلەرى وتكەن جىلى تابي­عات­تى قور­عاۋ جانە برا­كونەرلىك قۇقىق­بۇزۋ­­شى­لىق­تار­دىڭ الدىن الۋ ب­و­يىنشا 1216 رەيدتىك ءىس-شارا ۇيىم­­داس­تى­رىپ, 420 زاڭبۇزۋ­شى­لىق فاك­تى­سىن انىقتاعان. زاڭ بۇز­ۋ­­شىلارعا 9 ملن تەڭگەدەن استام اكىم­شىلىك ايىپپۇل سالىنعان. جىل باسىنان بەرى 40-تان استام زاڭبۇزۋ­شىلىق فاكتىسى انىقتالىپ وتىر.

تۇركىستان وبلىسى