وسىعان دەيىن تۇرعىن ءۇي مەن نىسانداردى گازداندىرۋ ازاماتتاردىڭ ءبىراز ۋاقىتىن الىپ, ماشاقاتى كوپ كۇردەلى پروتسەدۋرالاردان ءوتۋدى تالاپ ەتەتىن. تەحنيكالىق شارتتارعا ءوتىنىم بەرۋ مەن مەردىگەرلەردى ىزدەۋدىڭ ىڭعايلى جولى بولماي, گازداندىرۋ تۋرالى اقپاراتتىڭ شەكتەۋلىگىنەن كوگىلدىر وتىنعا اۋىسۋ ىسىندە قيىندىق تۋدى. بۇگىندەرى گازدىڭ تسيفرلاندىرۋ تاسىلىنە كوشۋى اتالعان سالاعا وڭ ءۇردىس اكەلگەندەي.
وسى رەتتە «قازترانسگاز ايماق» اق ازاماتتارعا قولايلى جاعداي جاساپ, تسيفرلىق تەحنولوگيالاردى ەنگىزۋدى جالعاستىرىپ كەلەدى. سونىمەن, بىلتىردان بەرى «QazaqGaz» ۇك» اق ەنشىلەس كومپانياسى «قازترانسگاز ايماق» اق-دا گازداندىرۋ ءۇشىن تەحنيكالىق شارتتاردى (تش) بەرۋ پروتسەستەرى جەتىلدىرىلىپ, اۆتوماتتاندىرىلعان ەدى. تەحنيكالىق شارتتاردى الۋ - تۇرعىن ءۇيدى گازداندىرۋدىڭ العاشقى قادامى.
بۇدان بىلاي تۇرعىندار ءوز ۇيلەرىنەن شىقپاي-اق ەلەكتروندى تسيفرلىق قولتاڭبانى (ەتسق) قولدانىپ, eGov.kz پورتالى ارقىلى گازداندىرۋ ءۇشىن تەحنيكالىق شارتتاردى الۋعا ءوتىنىم بەرە الادى. ول ءۇشىن eGov.kz پورتالىندا جەكە تىركەۋدەن ءوتۋ, بايلانىس تەلەفونىن جانە ەلەكتروندى پوشتانى كورسەتۋ, تۇرعىلىقتى جانە گازداندىرۋ نىسانىنىڭ مەكەنجايىن تاڭداۋ, تەحنيكالىق قۇجاتتىڭ سكان كوشىرمەسىن قوسا تىركەۋ, گازداندىرۋ نىسانى جونىندەگى دەرەكتەردى كورسەتۋ, ەتسق كومەگىمەن وتىنىمگە قول قويۋ جانە تەحنيكالىق شارتتاردىڭ بەرىلەتىنى نەمەسە بەرىلمەيتىنى تۋرالى اتالعان ۇيىمنىڭ جاۋابىن كۇتۋ كەرەك. تەحنيكالىق شارتتاردى قاراۋ جانە بەرۋ پروتسەسى 5 جۇمىس كۇنى ارالىعىندا, ال تەحنيكالىق جاعىنان كۇردەلى نىساندارعا 10 جۇمىس كۇنى ارالىعىندا ىسكە اسىرىلادى.
«تسيفرلاندىرۋ يننوۆاتسيالارىن ەنگىزۋ ارقىلى گازداندىرۋ پروتسەستەرىن قاراپايىم ءارى قولجەتىمدى ەتۋگە تىرىسامىز. eGov.kz پورتالىندا جاڭا قىزمەتتى ەنگىزۋ – بۇل باعىتتاعى تاعى ءبىر قادام. مۇنداي جاڭاشىلدىق ءبىزدىڭ تۇتىنۋشىلارىمىز ءۇشىن ءتيىمدى بولاتىنى حاق», دەيدى «قازترانسگاز ايماق» اق باس ديرەكتورىنىڭ ءوندىرىس جونىندەگى ورىنباسارى ءسالىم ناعىم.
ءيا, وتكەن جىلدىڭ قازان ايىنان بەرى eGov.kz پورتالى ارقىلى تەحنيكالىق شارتتاردى الۋعا 1000-نان استام ءوتىنىم تۇسكەن.
«5169 ءنومىرلى بىرىڭعاي بايلانىس ورتالىعى مەن سەنىم تەلەفونى – ابونەنتتىڭ ءبىزدىڭ كومپانيامەن ءتيىمدى قارىم-قاتىناس جاساۋىنىڭ ماڭىزدى قۇرالى. بۇل تۇتىنۋشىلاردىڭ وتىنىمدەرىن تەزىرەك وڭدەۋگە, سۇراقتارعا جەدەل جاۋاپ بەرۋگە مۇمكىندىك بەرەدى. اي سايىن بىرىڭعاي بايلانىس ورتالىعىنا تۇتىنۋشىلاردان 3,5 مىڭنان استام ءوتىنىم تۇسەدى. ولاردىڭ كوپشىلىگى تۇرعىن ۇيلەردى گازداندىرۋ ماقساتىندا جىبەرىلدى», دەپ وتىر تەحنيكالىق جونىندەگى ديرەكتور ءۋاليحان قىمباتوۆ.
ابونەنت ءۇشىن جاسالعان تاعى ءبىر ىڭعايلى شەشىم – تۇتىنعان تابيعي گاز ءۇشىن تولەمدى وزىنە قولايلى تۇردە جۇرگىزۋ. ولار ەكىنشى دەڭگەيلى بانكتەرمەن كەلىسىمنىڭ ارقاسىندا ابونەنت تابيعي گازدى تۇتىنۋ قىزمەتى ءۇشىن بارلىق قولجەتىمدى تاسىلدەرمەن, ماسەلەن, پلاستيكالىق جانە ۆيرتۋالدى كارتامەن, وندىرىستىك فيليالداردىڭ كاسسالارىندا, بانكتەردىڭ تەرمينالدارى ءارى موبيلدىك قوسىمشالاردىڭ كومەگىمەن تولەۋگە مۇمكىندىك الدى. بانك قوسىمشالارى ارقىلى تولەم جاساۋ تۋرالى تولىق نۇسقاۋلىق كومپانيا فيليالدارىنىڭ Facebook جانە Instagram اككاۋنتتارىندا جاريالانعان. ەندىگى كەزەكتە كومپانيا قىزمەتتەرىن ودان ءارى تسيفرلاندىرۋ ءۇشىن ءموبيلدى قوسىمشا ەنگىزۋدى جوسپارلاپ وتىرعانى بار.
جالپى تۇرعىن ءۇيدى جوبالاۋ جانە گازداندىرۋ جونىندەگى قىزمەتتەردى ليتسەنزيالانعان ۇيىمدار عانا ورىنداۋى ءتيىس, ارينە. سوندىقتان ءبىرىنشى كەزەكتە تەحنيكالىق شارتتار مىندەتتى تۇردە بولۋى كەرەك. ال تۇرعىن ءۇيدى گازداندىرۋ بويىنشا كەشەندى جۇمىستار اياقتالعاننان كەيىن كومپانيا بەلگىلەنگەن نىساندى تابيعي گازعا قوسۋ دايىندىعى بارىسىندا ورىندالعان جۇمىسقا بەرىلگەن تەحنيكالىق شارتتاردىڭ سايكەستىگىن تەكسەرەدى.
ارينە, تابيعي گاز وركەنيەت پەن جايلىلىقتىڭ باستى قاعيداتتارىنىڭ ءبىرى دەسەك, حالىقتى گازبەن ۇزدىكسىز قامتاماسىز ەتۋدە عانا ەمەس, سونىمەن قاتار قاۋىپسىزدىك ماسەلەلەرىن ساقتاۋدا تۇتىنۋشىلاردىڭ كوگىلدىر وتىن قۇرىلعىلارىن پايدالانۋ كەزىندە اسا ساق جانە مۇقيات بولۋعا شاقىرادى.
وسىندايدا, ۇيدەگى ءتۇتىن مۇرجالارى مەن جەلدەتۋ ارنالارىن ۋاقتىلى تەكسەرۋ جانە تازارتۋ, گازدان اجىراتۋ اۆتوماتيكاسى بار دابىلقاققىشتاردى ورناتۋ قاۋىپسىزدىك كەپىلى ەكەندىگىن ەستەن شىعارماعان ءجون. بۇنداي قاراپايىم ەرەجەلەر تابيعي گازدى پايدالانۋ كەزىندە جازاتايىم وقيعالارعا جول بەرمەۋگە كومەكتەسەتىنى بەلگىلى.
بۇگىندەرى ەل ەكونوميكاسى مەن حالىقتىڭ الەۋمەتتىك ءال-اۋقاتىن جاقسارتۋدا شەشىمىن تاۋىپ كەلە جاتقان باستى رولدەگى كوگىلدىر وتىن ماسەلەسىنە تىكەلەي قاتىستى «قازترانسگاز ايماق» اكتسيونەرلىك قوعامى - بارلىق تۇتىنۋشىلارىن تابيعي گازبەن تۇراقتى ءارى ۇزدىكسىز قامتاماسىز ەتۋ باعىتىنداعى سەنىمدى سەرىكتەسى.