سەناتتىڭ الەۋمەتتىك-مادەني دامۋ جانە عىلىم كوميتەتىنىڭ دەپۋتاتتارى «وتاندىق عىلىمدى دامىتۋ جانە عىلىمي-تەحنيكالىق پروگرەسس» تاقىرىبىندا دوڭگەلەك ۇستەل وتكىزدى. وعان عىلىم جانە جوعارى ءبىلىم ءمينيسترىنىڭ ورىنباسارى, سالالىق مينيسترلىكتەردىڭ, پرەزيدەنت جانىنداعى ۇلتتىق عىلىم اكادەمياسى مەن عىلىمي قاۋىمداستىقتىڭ وكىلدەرى جانە جاس عالىمدار قاتىستى, دەپ حابارلايدى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
كوميتەت توراعاسى نۇرتورە ءجۇسىپ مەملەكەت باسشىسىنىڭ جولداۋىندا وتاندىق عىلىمدى دامىتۋ جونىندە بىرقاتار تاپسىرمالار بەرىلگەنىن اتاپ ءوتتى. جاھاندانۋ كەزەڭىندە «عىلىم» قوعامدىق پروگرەستىڭ قۋاتتى قوزعالتقىشى بولىپ سانالادى.
«قازىرگى ۋاقىتتا عىلىم قوعامنىڭ دامۋىن قامتاماسىز ەتۋدە شەشۋشى ءرول اتقارادى. عىلىمي مەكەمەلەر, ۋنيۆەرسيتەتتەر مەن ينستيتۋتتار جۇرگىزگەن زەرتتەۋلەر جاڭا تەحنولوگيالاردىڭ, يننوۆاتسيالاردىڭ جانە ۇزاق مەرزىمدى پروگرەسستىڭ نەگىزىن قۇرايدى. عىلىمي-تەحنيكالىق پروگرەسس ءوز كەزەگىندە عىلىم مەن تەحنيكانىڭ ءوزارا بايلانىستى ۇدەمەلى دامۋىن بىلدىرەدى جانە ەكونوميكانىڭ قارقىندى ءوسۋىنىڭ, كوپتەگەن الەۋمەتتىك مىندەتتەردى شەشۋدىڭ قۋاتتى قۇرالى بولىپ تابىلادى», دەپ اتاپ ءوتتى نۇرتورە ءجۇسىپ.
عىلىم جانە جوعارى ءبىلىم ءمينيسترىنىڭ ورىنباسارى دارحان احمەد-زاكي ءوز كەزەگىندە عالىمداردىڭ مارتەبەسىن كوتەرۋ جانە كادرلىق الەۋەتتى نىعايتۋ بويىنشا قابىلدانىپ جاتقان شارالار تۋرالى ايتىپ بەردى. ونىڭ ايتۋىنشا ۆەدومستۆو حالىقارالىق تاجىريبەنى ەسكەرە وتىرىپ, عىلىم جانە تەحنولوگيالار جونىندەگى ۇلتتىق كەڭەس قۇردى, عالىمداردىڭ ورتاشا جالاقىسى 2 ەسەگە ۇلعايتىلدى, سونداي-اق 850 زاماناۋي عىلىمي جابدىقتار ساتىپ الىنعان.
اتالعان ءىس-شارا اكادەميك قانىش ساتباەۆتىڭ 125 جىلدىعىنا وراي وتكىزىلىپ وتىر.