«گلوبال-سپەتسودەجدا» تىگىن كاسىپورنىنىڭ شەبەرلەرى اقتوبە وبلىسىندا كۇندىز-ءتۇنى سۋ تاسقىنىمەن كۇرەسىپ جاتقان جاندارعا 1057 بىرلىك ارنايى كيىم تىككەن, دەپ حابارلايدى Egemen.kz.
ىڭعايلى جانە جىلى كيىم جيىنتىقتارى اقتوبە قالاسى مەن وبلىس اۋداندارىنىڭ قۇتقارۋشىلارى مەن ەرىكتىلەرىنە تەگىن تاراتىلدى.
«كوكتەمگى سۋ تاسقىنى اقتوبە تۇرعىندارىن ءبىراز ابىگەرگە سالدى. ءبىز وسىنداي قولايسىز اۋا-رايىندا ەڭبەكتەنىپ, تۇرعىندارعا كومەكتەسىپ جاتقان جاندارعا ءوز ۇلەسىمىزدى قوسقىمىز كەلدى. ولارعا العىستان باسقا ايتارىمىز جوق», دەدى كاسىپورىن باسشىسى نادەجدا شاباەۆا.
ودان بولەك, «گلوبال-سپەتسودەجدا»قىزمەتكەرلەرى سۋ تاسقىنىنا قارسى ءىس-شارالارعا قاتىسۋشىلاردى ىستىق تاماقپەن دە قامتاماسىز ەتىپ جاتىر.