قازاقستاندا «ەڭ باي زەينەتكەر» اي سايىن قانشا الادى؟

بىرىڭعاي جيناقتاۋشى زەينەتاقى قورىندا ءبىر جىلداعى اي سايىنعى تولەمنىڭ ەڭ جوعارى سوماسى 200 مىڭعا كوتەرىلىپ, 945 752 تەڭگەنى قۇرادى.

«بجزق-دان كەستە بويىنشا ورتاشا ايلىق تولەم سوماسى (زەينەتكەرلىك جاسقا تولۋىنا بايلانىستى) 34 075 تەڭگەنى, ال اي سايىنعى تولەمنىڭ ەڭ جوعارى سوماسى - 945 752 تەڭگەنى قۇرادى. ەستەرىڭىزگە سالا كەتەيىك, وتكەن جىلدىڭ وسى كەزەڭىندە بجزق-دان كەستە بويىنشا اي سايىنعى تولەمنىڭ ورتاشا سوماسى 32 065 تەڭگەنى, ال اي سايىنعى تولەمنىڭ ەڭ جوعارى سوماسى 742 692 تەڭگەنى قۇراعان ەدى», دەلىنگەن حابارلامادا.

ايتا كەتسەك, جىل باسىنان بەرى رەسپۋبليكالىق بيۋدجەتتەن 616,3 ملرد تەڭگەگە زەينەتاقى تولەندى, ونىڭ ىشىندە بازالىق زەينەتاقى تولەۋگە – 193,8 ملرد تەڭگە, ىنتىماقتى زەينەتاقى تولەۋگە – 422,5 ملرد تەڭگە جۇمسالدى.

2024 جىلعى 1 ناۋرىزداعى جاعداي بويىنشا ەلدەگى زەينەتكەرلەر سانى – 2 ملن 354 مىڭ ادام.

2024 جىلعى 1 ناۋرىزداعى جاعداي بويىنشا جيىنتىق زەينەتاقىنىڭ ورتاشا مولشەرى 132 852 تەڭگەنى قۇرادى, ونىڭ ىشىندە ىنتىماقتى زەينەتاقى مولشەرى – 90 091 تەڭگە, بازالىق زەينەتاقى – 42 761 تەڭگە.