جىل باسىنان بەرى كوپبالالى وتباسىلارعا بەرىلەتىن مەملەكەتتىك جاردەماقىمەن ورتا ەسەپپەن 574,5 مىڭ وتباسى قامتىلدى. دالىرەك ايتقاندا, ولارعا جالپى سوماسى 77,1 ملرد تەڭگە مولشەرىندە جاردەماقى تولەندى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
ونىڭ ىشىندە اقپان ايىندا 577,3 مىڭ وتباسىعا 39 ملرد تەڭگە مولشەرىندە جاردەماقى تولەندى.
ايتا كەتسەك, بۇل مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.
تولەم مولشەرى بالا سانىنا قاراي ەسەپتەلىپ تولەنەدى. بيىل:
4 بالاسى بار وتباسىلارعا – 16,03 اەك نەمەسە 59 183 تەڭگە; 5 بالاعا – 20,04 اەك نەمەسە 73 988 تەڭگە; 6 بالاعا – 24,05 اەك نەمەسە 88 793 تەڭگە; 7 بالاعا – 28,06 اەك نەمەسە 103 598 تەڭگە; 8 جانە ودان دا كوپ بالاسى بار وتباسىلارعا – ءار بالاعا 4 اەك نەمەسە 14 768 تەڭگە مولشەرىندە تولەنەدى.ەسكە سالايىق, 2024 جىلدىڭ 1 قاڭتارىنان باستاپ كوپبالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 7%-عا ارتتى.
ۆەدومستۆو ۇسىنعان رەسمي اقپاراتقا سايكەس, بيىل كوپبالالى وتباسىلارعا مەملەكەتتىك جاردەماقى تولەۋگە 474,8 ملرد تەڭگە بولىنگەن.