شىمكەنت گارنيزونىندا تاربيە قۇرىلىمدارىنىڭ وفيتسەرلەرى كۇنىنە ارنالعان سالتاناتتى ءىس-شارا ۇيىمداستىرىلدى. 1993 جىلى پرەزيدەنت جارلىعىمەن قۇرىلعان تاربيە قۇرىلىمدارى وفيتسەرلەرى ءۇشىن كاسىبي مەرەكەنى اتاپ ءوتۋ داستۇرگە اينالعان.
سالتاناتتى ءىس-شارا قالالىق جاستار رەسۋرستىق ورتالىعىندا ءوتتى. وعان گارنيزوننىڭ اسكەري ءبولىم كومانديرلەرى, قورعانىس ىستەرى دەپارتامەنتتەرى مەن وقۋ ورىندارىنىڭ تاربيە جانە يدەولوگيالىق جۇمىس جونىندەگى ورىنباسارلارى, سونداي-اق قارۋلى كۇشتەردىڭ ارداگەرلەرى قاتىستى.
مەرەكەلىك جيىندا گارنيزون باسشىسى, پودپولكوۆنيك ايدوس يساەۆ جينالعان بارشا قاۋىمدى كاسىبي مەرەكەلەرىمەن قۇتتىقتادى. ول بۇگىندە گارنيزوننىڭ اسكەري ۇجىمدارىنىڭ تاربيە جانە يدەولوگيالىق جۇمىسى اقپاراتتىق-تاربيە, پسيحولوگيالىق, مادەني-دەمالىس, اسكەري-الەۋمەتتىك, اسكەري ءتارتىپ پەن قۇقىقتىق ءتارتىپتى نىعايتۋ, سونداي-اق جوعارى مورالدىق-پسيحولوگيالىق احۋالدى ساقتاۋ سياقتى كوپتەگەن باعىتتاردا بەلسەندى جۇمىس اتقارىلىپ جاتقانىن ءمالىم ەتتى.
– تاربيە قۇرىلىمدارى وفيتسەرلەرىنىڭ جۇمىسى قاجىرلى جانە ماڭىزدى ءىس سانالادى. ولار اسكەري قىزمەتشىلەرمەن ءتىل تابىسا ءبىلۋى, ولاردى ءتۇسىنۋى جانە سەنىمدى قارىم-قاتىناس قۇرۋدىڭ جولدارىن تابا ءبىلۋى قاجەت. جەكە قۇرامنىڭ جوعارى مورالدىق-پسيحولوگيالىق جاي-كۇيىن ساقتاۋ تىكەلەي تاربيەشىلەرگە بايلانىستى, – دەپ اتاپ ءوتتى پودپولكوۆنيك ا.يساەۆ.
تاربيە جانە يدەولوگيالىق جۇمىس جونىندەگى ورىنباسارلار ينستيتۋتىنىڭ قۇرىلۋ تاريحى قارۋلى كۇشتەردىڭ قالىپتاسۋىمەن تىعىز بايلانىستى. قازاقستان ارمياسىنىڭ دامۋى مەن قالىپتاسۋىنا قوسقان زور ۇلەسى ءۇشىن سالتاناتتى جيىن بارىسىندا ۇرپاقتار ساباقتاستىعىن كورسەتۋ ماقساتىندا قارۋلى كۇشتەردىڭ ارداگەرلەرىنە قۇرمەت كورسەتىلدى.
– زاپاسقا كەتكەن اسكەري قىزمەتشىلەردىڭ كوپشىلىگى بۇگىندە جاس ۇرپاققا پاتريوتتىق تاربيە بەرۋ ىسىنە جان-جاقتى جاردەم كورسەتۋدى جالعاستىرىپ جاتقانىن ءتۇسىنۋ قۋانتادى. اسكەري ۇجىمنىڭ قامقورلىعى مەن نازارىنىڭ ارقاسىندا ءبىز, قارۋلى كۇشتەردىڭ ارداگەرلەرى, قوعامعا, اسىرەسە, جاستارىمىزعا جيناعان تاجىريبەمىزدى جەتكىزۋ ءۇشىن ءالى دە پايدالى ەكەنىمىزدى سەزىنەمىز. بۇل ۇرپاقتار ساباقتاستىعىنىڭ باستى ءمانى مەن كىلتى, ونسىز ءبىز بولاشاققا جول اشپايمىز, – دەپ اتاپ ءوتتى زاپاستاعى پولكوۆنيك رەيىمباي حالمۇراتوۆ.
ۇزدىك تاربيەشىلەر گارنيزون باسشىسىنىڭ اتىنان گراموتالار جانە العىس حاتتارمەن ماراپاتتالدى. ءىس-شارا قاتىسۋشىلار مەن قوناقتارعا قۋانىش پەن شاتتىق سىيلاعان مەرەكەلىك كونتسەرتپەن اياقتالدى.
شىمكەنت