حالىقارالىق حاب

قازىرگى ۋاقىتتا پلاتفورما 15 وتاندىق ستارتاپقا تاياۋ شىعىس نارىعىندا ءونىمىن ۇسىنۋعا كومەك­تەسكەن. Qaz Step Innovation Hub-تىڭ نەگىزىن قالاۋشى تيمۋر ماۋ­لەشوۆتىڭ ايتۋىنشا, ءباا مەن تاياۋ شىعىس نارىقتارىنا شىعۋ ەلىمىزدىڭ تەحنولوگيالىق ەكسپورتىنا سەرپىن بەرەدى.

– حاب وتاندىق IT-كومپانيالارعا جاڭا سەرىكتەستەر مەن ينۆەستورلار تابۋعا كومەكتەسەدى. كەيىنگى 5-7 جىل­دا شەتەلدىك ۆەنچۋرلىق قور­لار مەن حالىقارالىق بيزنەس-قوعام­داستىق وكىلدەرى ەلىمىزدىڭ IT-ونىم­دەردى ەكسپورتتاۋ سالاسىنداعى الەۋەتىن بايقاي باستادى. سوندىقتان ءبىز وتاندىق ستارتاپتارعا ءباا مەن تاياۋ شىعىستىڭ قارقىندى دامىپ كەلە جاتقان نارىعىندا وزدەرىنىڭ جوعارى الەۋەتىن كورسەتە الاتىن قو­لايلى ورتانى قۇراتىن بولامىز. وس­ىلايشا, Qaz Step Innovation Hub وتاندىق IT-قىزمەتتەردى الەمدىك نارىققا شىعارادى, – دەيدى ول.

«Qaz Steppe» يننوۆاتسيالىق حابىنىڭ اشىلۋ سالتاناتى دۋباي­داعى قازاقستان ساۋدا ءۇيىنىڭ پاۆيلونىندا ءوتتى. پەرسپەكتيۆالى وتاندىق ستارتاپتار حابىن ىسكە قوسۋ راسىمىنە ساۋدا جانە ينتەگراتسيا ءمينيسترى ارمان شاققاليەۆ قاتىستى. ا.شاققاليەۆتىڭ ايتۋىنشا, ءبىزدىڭ مەملەكەت تسيفرلىق سالانى ىنتالاندىرۋ ساياساتىن ۇستانادى. 2023 جىلدىڭ قورىتىندىسى بويىنشا قازاقستاندىق IT-قىزمەتتەر ەكسپورتى 500 ملن دوللارعا جەتتى. وتاندىق IT-سالانىڭ الەۋەتىن بارىنشا ىسكە اسىرۋ ءۇشىن ساۋدا ءۇيىنىڭ پاۆيلونىندا ستارتاپ-قوعامداستىقتىڭ باستاماسى بويىنشا كوۆوركينگ-ورتالىق ىسكە قوسىلادى.

 «Qaz Steppe Innovation Hub ما­مان­داندىرىلعان الاڭى قازاق­ستاندىق IT-قىزمەتتەر سەكتورىن حالىقارالىق نارىقتارعا جىل­جى­تۋعا, قازاقستان مەن ءباا ىسكەر توپ­تا­رىنىڭ مۇددەلەرىن بىرىكتىرۋگە ىقپال ەتەدى. سونداي-اق ءوزارا ءتيىمدى ىنتى­­ماقتاستىقتى ءتيىمدى دامىتۋعا جانە ءبىزدىڭ IT-كومپانيالارىمىز­دىڭ باسەكەگە قابىلەتتىلىگىن ارتتىرۋعا مۇم­كىندىك بەرەدى», دەدى مينيستر.

جوعارىدا اتاپ وتكەنىمىزدەي, الاڭ 15 وتاندىق ستارتاپقا تاياۋ شىعىس نارىعىندا ءوز جوبالارىن تانىستىرۋعا جانە 100 جەرگىلىكتى جانە حالىقارالىق كومپانيالاردىڭ وكىلدەرىمەن ءوزارا ءىس-قيمىل پەرسپەكتيۆالارىن تالقىلاۋعا كومەكتەستى. ولاردىڭ ىشىندە EMAAR, Etisalat, Google, Microsoft, Mastercard, L’Oreal, Abu Dhabi Commercial Bank جانە باس­قالارى بار. بۇعان قوسا, وتان­دىق كاسىپكەرلەر كاسىپكەرلەر ءباا مەملەكەتتىك ورگاندارى مەن كومپانيالارىنىڭ وكىلدەرىمەن كەزدەستى.

«Qaz Steppe Innovation Hub پرەزيدەنت قاسىم-جومارت توقاەۆ­تىڭ قازاقستاندى ءىت-ەلگە اينالدىرۋ جو­نىندەگى العا قويعان ماقساتىن ىسكە اسىرۋدىڭ بىرەگەي الاڭىنا اينالادى. 2021 جىلدان باستاپ قازاقستان­دىق ستارتاپتار ەلىمىزدىڭ اۋما­عىن­دا ورنالاسقان 1 ميلليارد­ دول­لاردان اسا سوماعا ينۆەستيتسيا تارتتى. بۇگىندە ءباا-دە بولىپ جات­قان تەح­نولوگيالىق بۋم ءبىزدىڭ تالانت­تى ما­ماندارىمىز بەن قىزىقتى ستار­تاپتا­رىمىز ءۇشىن جاڭا پەرسپەكتيۆالار اشادى»,  دەدى ت.ماۋلەشوۆ.