بازالىق مولشەرلەمە تومەندەدى

وسىدان ءبىر جىل بۇرىن ينفلياتسيا جوعارى مانگە جەتىپ, 21,03% -عا ءبىر-اق شىققان ەدى. بۇل قاراپايىم حالىق ءۇشىن وڭايعا سوق­پادى. سول كەزدە ۇلتتىق بانك بازالىق مولشەرلەمەنى ءوسى­رىپ, قاتاڭ اقشا-نەسيە ساياساتىن ۇس­تان­دى. 2022 جىلدىڭ سوڭىندا بازا­لىق مولشەرلەمە 16,75% بولىپ بەكىتىلدى. قاتاڭ مونەتارلىق سايا­ساتتىڭ ارقاسىندا قازىر ينفليا­تسيا دەڭگەيى 9,5%-دى قۇراپ وتىر. وسىدان ەكى جىل بۇرىن بيز­نەس قاۋىمداستىق, جەكەلەگەن ساراپشىلار, ءتىپتى كەيبىر دە­پۋ­تاتتار دا بازالىق پايىز­دىق مول­شەرلەمەنىڭ قىمبات­تاۋىنا قار­سىلىق ءبىلدىرىپ, بۇل ەل ەكونوميكاسىن قۇردىمعا جىبە­رەدى ءارى نەسيە العىسى كەلەتىن كاسىپ­كەر­لەرگە كەدەرى كەلتىرەدى دەپ مالىم­دە­گەن بولاتىن.

ساراپشىلاردىڭ پىكىرىنشە, بانك جوسپارىندا بازالىق مول­شەر­لەمە ودان ءارى دە تومەندەي ءتۇسۋى ءتيىس. ويتكەنى ءبىراز ۋاقىتتان بەرى ينفلياتسيا ءبىر تاڭبالى مانگە تو­لىق اۋىس­تى دەۋگە بولادى. دە­گەن­­مەن كەز كەلگەن ساتتە تۋىن­داۋى مۇمكىن تاۋەكەلدەردى سانات­تان شىعارىپ تاستاۋعا تاعى بول­­مايدى. جىلدىق ينفلياتسيا باسەڭ­­دەگەنىمەن, ايلىق ينفلياتسيا جو­عا­رى دەڭگەيدە قالىپتاسىپ وتىر.

«جىلدىق ينفلياتسيانىڭ باياۋ­­­لاۋى ءبىزدىڭ بولجامىمىزبەن سايكەس كەلىپ جاتىر. ونىڭ ورنىق­تى بولىگىندەگى كورسەتكىشتەر ءالى دە جوعارى. ەكونوميكادا پرو­ين­فلياتسيالىق فاكتورلار ساق­تا­لىپ وتىر. ولاردىڭ اراسىندا تۇتىنۋشىلىق سۇرانىس, فيس­كال­دىق ىنتالاندىرۋ جانە جوعارى ينفليا­تسيالىق كۇتۋلەر بار», دەيدى ۇلت­تىق بانك توراعاسى تيمۋرسۇ­لەي­­مەنوۆ.

ۇب باسشىسىنىڭ سوزىنشە, بيىل­عا ينفلياتسيا بولجامى وزگەر­گەن جوق. باعا 7,5-9,5% شەگىندە ءوسۋى مۇمكىن.

«2025 جىلعا ارنالعان بولجام 5,5-7,5% دەڭگەيىندە ساقتالدى. 2026 جىلى ءبىزدىڭ باعالاۋىمىز بويىنشا ينفلياتسيا تارگەتكە جاقىنداپ, 5-6% شەگىندە قالىپتاسادى. وسى جىلدىڭ اقپان ايىندا وتكەن جىلعى جوعارى بازا تولىق شىققانىنا جانە ەكونوميكا ىشىندە باعا قىسىمى فاكتورلارى­نىڭ بولۋىنا بايلانىستى ين­فليا­تسيانىڭ تومەندەۋ قارقىنى باياۋلايدى. اقشا-كرەديت شارت­تارىنىڭ ۇستامدى قاتاڭ سيپاتى جانە سىرتقى ورتاداعى باعا ءوسۋ جاعدايىنىڭ ودان ءارى جاقسارۋى ينفلياتسيانىڭ تومەندەۋىنە ىقپال ەتەدى», دەدى.

ايتۋىنشا, ۇلتتىق بانك بول­­­جا­مىندا بيۋدجەت ساياساتى پارا­مەترلەرىنىڭ جەتكىلىكسىز انىق­تىعى, اعىمداعى فيسكالدىق ىنتا­­لاندىرۋ, تۇراقسىز ينفليا­تسيا­­لىق كۇتۋلەرگە نەگىزدەلگەن ينفليا­تسيانىڭ ورنىقتىلىعى, سون­داي-اق قازاقستاننىڭ نەگىزگى ساۋ­دا-سەرىكتەستەرىنە قاتىستى سانك­تسيا­لىق قىسىمنىڭ ىقتيمال ءوسۋى سياق­تى تاۋەكەلدەر كورىنىس تاۋىپ وتىر.

تيمۋر سۇلەيمەنوۆ: «ورتا مەر­زىمدە ينفلياتسيا بويىنشا­ ماقساتقا قول جەتكىزە الا­تى­نىمىزعا سەنىمدىمىز», دەيدى. ول ءۇشىن ۇستامدى قاتاڭ اقشا-كرەديت شارتتارىن ساقتاۋ قاجەت. وسىعان وراي ساياساتتى ودان ءارى جەڭىلدەتۋ مۇمكىندىگى دە شەكتەۋلى بولماق. ويتكەنى ىشكى سۇرانىس كورسەتكىشتەرىندە, ينفلياتسيالىق كۇتۋلەردە بايقالاتىن ۇردىستەر, سونداي-اق بيۋدجەت ساياساتى پارامەترلەرىندەگى جانە سىرتقى جاعدايداعى بەلگىسىزدىك ۇستامدى قاتاڭ اقشا-كرەديت شارتتارىن ساقتاۋدى تالاپ ەتەدى.