2023 جىلدىڭ قىركۇيەگىندە 250 مىڭ كوللەدج ستۋدەنتىنىڭ شاكىرتاقىسى 50%-عا ءوستى. بيىل قاتارى 300 مىڭعا جۋىقتاعان ستۋدەنتتىڭ ستيپەندياسى تاعى 50 پايىزعا ارتادى, دەپ حابارلايدى Egemen.kz وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«ورتا بۋىن ماماندىقتارىنىڭ ستۋدەنتتەرى قازىرگى 31 422 تەڭگەنىڭ ورنىنا 41 896 تەڭگە الادى. جۇمىسشى بىلىكتىلىگى بار ستۋدەنتتەر ءۇشىن شاكىرتاقى 32 681 تەڭگەدەن 43 574 تەڭگەگە دەيىن كوتەرىلەدى», دەدى تجكب باس ساراپشىسى دارحان ساتانوۆ.
سونىمەن قاتار مەملەكەتتىك تاپسىرىس بويىنشا وقيتىن ستۋدەنتتەرگە تاماق پەن جولاقى سياقتى الەۋمەتتىك قولداۋ كورسەتىلەدى.
ايتا كەتسەك, قازاقستانداعى كوللەدجدەردە بارلىعى 542 مىڭ ستۋدەنت وقيدى. ونىڭ 344 مىڭى تەگىن تەحنيكالىق جانە كاسىپتىك بىلىممەن قامتىلعان.