شايبالى حوككەيدەن قازاقستاننىڭ جاستار قۇراماسى (U-20) مينسكىدە وتكەن «بولاشاق كۋبوگىندە» سۇرەڭسىز ونەر كورسەتتى. العاشقى ماتچتا ولار بەلارۋس قۇراماسىنان (U-20) 2:5 ەسەبىمەن ەسە جىبەرسە, ىلە-شالا رەسەيدەن (U-18) ويسىراي ۇتىلدى – 1:8. سوڭعى كەزدەسۋدى سەرگەي ستارىگيننىڭ شاكىرتتەرى رەسەيلىك جاسوسپىرىمدەرمەن (U-17) شەبەرلىك بايقاستى. بۇل باسەكەدە دە جەرلەستەرىمىز جەڭىلىس تاپتى – 4:7.
دوحادا ءوتىپ جاتقان سۋ سپورتى تۇرلەرىنەن الەم بىرىنشىلىگىندە قازاقستان قۇراماسى ارتىستىك جۇزۋدەن وليمپيا ويىندارىنىڭ ليتسەنزياسىن يەلەندى. سونىمەن قاتار بىلتىر ازيا ويىندارىندا قولا مەدال العان ياسمينا تۇياقوۆا مەن ارينا پۋشكينا جۇبى دا پاريجدەگى ءدۇبىرلى دودادا ونەر كورسەتۋ قۇرمەتىنە يە بولدى.
2023 جىلى قارجىلاي تۇرعىدان مول ولجاعا كەنەلگەن سپورتشىلاردىڭ رەيتينگى جاريالاندى. اقش-تىڭ «Sportico» جۋرنالىنىڭ مالىمەتىنشە, بىلتىر ەڭ كوپ تابىس تاپقان ساڭلاق – ء«ال-ناسردىڭ» شابۋىلشىسى كريشتيانۋ رونالدۋ. پورتۋگاليالىق جۇلدىزدىڭ ەسەپشوتىنا 275 ملن دوللار اۋدارىلعان. سونداي-اق ەڭ باقۋاتتى بەستىكتىڭ قاتارىندا امەريكالىق گولفشى دجون رام (203 ملن), ارگەنتينانىڭ ايگىلى اياقدوپ شەبەرى ليونەل مەسسي (130 ملن), اقش باسكەتبولشىسى لەبرون دجەيمس (125,7 ملن) جانە فرانتسيانىڭ فۋتبولشىسى كيليان مباپپە (125 ملن) بار.
UFC-دە كۇش سىناسىپ جۇرگەن ماقسات قايسار (9-3) 27 ساۋىردە لاس-ۆەگاستا انشۋل دجۋبليمەن (7-1) جۇدىرىقتاسۋعا ءتيىس ەدى. الايدا ءۇندىستاننىڭ وكىلى جەكپە-جەككە شىعۋدان باس تارتتى. اتالعان ۇيىمنىڭ باسشىلارى ونى دەرەۋ 35 جاستاعى مەكسيكانىڭ فايتەرى گابريەل بەنيتەسپەن (23-11) الماستىردى. ەندى قىتايدا تۋىپ-وسكەن قانداسىمىز ءدال سول كۇنى ارداگەر سپورتشىمەن ايقاسادى.
تاياۋ شىعىستا ورنالاسقان بىرقاتار مەملەكەت فيفا-دان گازا سەكتورىندا اسكەري وپەراتسيا جۇرگىزىپ, بەيبىت تۇرعىنداردى قىناداي قىرعانى ءيزرايلدى حالىقارالىق دودالاردان شەتتەتۋدى ءوتىنىپ جاتىر. سونداي تالاپ قويعاندار قاتارىندا ساۋد ارابياسى مەن ءباا باستاعان 12 ەل بار. ولار اتالعان ۇيىمنىڭ مۇشەلىگىندەگى بارلىق 211 ۇلتتىق جانە التى ايماقتىق فۋتبول فەدەراتسيالارىنان قولداۋ سۇراپ, وسى ماتىندە ارنايى حات جولدادى.
ەكىنشى ورتا سالماقتاعى ءابسوليۋتتى الەم چەمپيونى ساۋل «كانەلو» الۆارەس 2023 جىلدىڭ قورىتىندىسى بويىنشا ەڭ كوپ تابىس تاپقان كاسىپقوي بوكسشىلاردىڭ كوشىن باستادى. مەكسيكالىق مارعاسقانىڭ ەسەپشوتىنا بىلتىر 66 ملن دوللار اۋدارىلدى. بارلىق سپورتشىنىڭ قوسا ەسەپتەگەندە, مول ولجاعا كەنەلگەندەر تىزىمىندە «كانەلوعا» 17-ورىن بۇيىردى. سونداي-اق توپ-5 بىلعارى قولعاپ شەبەرلەرى قاتارىنا ەنتوني دجوشۋا (55 ملن), دجەيك پول (47 ملن), دجەرۆونتا دەۆيس (42,5 ملن) جانە رايان گارسيا (40,5 ملن) ەندى.