تاياۋدا ەلىمىزدىڭ باس قارجى رەتتەۋشىسى – ۇلتتىق بانك ساراپشىلار قاۋىمداستىعى اراسىندا جۇرگىزىلگەن ماكروەكونوميكا ساۋالناماسىنىڭ ناتيجەسىن جاريالادى.
ساۋالناماعا قاتىسقان نارىقتىڭ كاسىبي وكىلدەرى, زەرتتەۋ ينستيتۋتتارى, حالىقارالىق ۇيىمدار مەن رەيتينگتىك اگەنتتىكتەرىنىڭ ىشكى جانە الەمدىك نارىقتاعى احۋالدىڭ دامۋىنا قاتىستى دەربەس پىكىرلەرى, باعالاۋلارىنا شولۋ جاسالدى. وسىلايشا, 2024-2025 جىلدار ارالىعىندا مۇناي باعاسى قالپىندا ساقتالىپ, مەديانالىق كۇتۋلەردە Brent ماركالى مۇنايدىڭ باعاسى ورتا ەسەپپەن باررەلىنە 80 اقش دوللارىن قۇرايتىندىعىن, ەل ەكونوميكاسىنىڭ وسىمىنە قاتىستى 2024-2025 جىلدارعا ارنالعان بولجامدار سايكەسىنشە, 4,5% جانە 5% دەڭگەيىندە ساقتالىپ, 2026 جىلعا ءىجو 4,2%-عا ۇلعاياتىندىعىن ايتادى. تالداۋشىلار وسى جىلى ينفلياتسيا بولجامىن 8%-دان 7,5%-عا دەيىن ءبىرشاما جاقسارعاندىعىن, 2025 جىلعا قاراي 6,9% بولۋى مۇمكىن دەپ وتىر. سونىمەن قاتار بيىلعى جىلعا بازالىق مولشەرلەمە 12%-دان 13,5%-عا دەيىنگى ارالىقتا, 2025 جىلى 10% دەڭگەيىندە ساقتالادى دەپ بولجايدى.
ال قارجىگەرلەر قاۋىمداستىعى ۇسىنعان مالىمەتتەرگە قاراعاندا, ساراپشىلاردىڭ تورتتەن ءۇش بولىگى, ياعني 94%-ى قاڭتار ايىنىڭ 19 كۇنى وتكەن مونەتارلىق ساياسات وتىرىسىندا بازالىق مولشەرلەمەنىڭ تومەندەۋى ىقتيمالدىعىن ءدال بولجاعان. سونىمەن قاتار قاۋىمداستىق وسى ايداعى كەيبىر ينديكاتورلارعا قاتىستى قارجى نارىعىنىڭ كاسىبي قاتىسۋشىلارىنىڭ كەزەكتى ساۋالناماسىن ۇسىنىپ, Brent ماركالى مۇنايدىڭ قۇنى, رەسەي رۋبلىنە قارسى اقش دوللارىنىڭ قۇنى, ۇلتتىق ۆاليۋتاعا قارسى اقش دوللارىنىڭ قۇنى, ينفلياتسيا, ىشكى جالپى ءونىم مەن ۇلتتىق بانكتىڭ بازالىق مولشەرلەمەسى بويىنشا ويلارىن زەردەلەگەن.
ماماندار اقشا-نەسيە شارتتارىن قالىپقا كەلتىرۋ بيىلعى جىلى ەلدەگى جانە كوپتەگەن ساۋدا سەرىكتەستەرىندەگى ينفلياتسيالىق قىسىمنىڭ تۇراقتى تومەندەۋى اياسىندا جالعاساتىندىعىن ايتادى. ەلىمىزدە قارجىلىق جاعدايلاردى جاقسارتۋدا ءىرى ينفراقۇرىلىمدىق جوبالاردى ىسكە اسىرۋدا, بيۋدجەتتىك ىنتالاندىرۋدا جانە ەنەرگيا رەسۋرستارىنا بەرىلگەن جوعارى باعامەن قاتار ەكونوميكانىڭ ءوسىمىن قولدايدى. قاۋىمداستىق ءبىر جىلدان كەيىن مۇناي باعاسىنىڭ جانە وپەك+ شيكىزاتىن ءوندىرۋدى ودان ءارى تۇزەتۋگە جانە پايىزدىق مولشەرلەمەنىڭ جاھاندىق تومەندەۋىمەن بايلانىستىرىپ, ۆاليۋتا نارىعى اقپان ايىنىڭ باسىندا USD/KZT باعامى ءبىر دوللار ءۇشىن 457,4 تەڭگە دەڭگەيىندە بولادى دەپ بولجانىپ وتىر. ءبىر جىلدان كەيىن USD/KZT تەڭگەلىك اكتيۆتەردىڭ تومەندەۋى (پايىزدىق مولشەرلەمەلەر), يمپورتتىڭ ءوسۋى (ينفراقۇرىلىمدىق جوبالاردى ىسكە اسىرۋ) جانە سىرتقى بورىش بويىنشا ءىرى تولەمدەر (24-25 جىلدارى قارجى مينيسترلىگىنىڭ ەۋرووبليگاتسيالارى بويىنشا تولەمدەر) اياسىندا ءبىر دوللار 484,1 تەڭگەگە دەيىن ءوسۋ ىقتيمالدىعىن ەسكەرتەدى.