الداعى ۋاقىتتا ءسۇت ونىمدەرىن شىعاراتىن 115 فەرما سالىنادى. ولار جىل سايىن 600 مىڭ تونناعا دەيىن ءونىم بەرەتىن بولادى. بۇل تۋرالى مەملەكەت باسشىسى «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ ءراسىمى بارىسىندا ايتتى, دەپ حابارالايدى Egemen.kz.
«ازىق-ت ۇلىك قاۋىپسىزدىگىن قامتاماسىز ەتۋ – ماڭىزدى مىندەت. ءۇش جىلدا اگروونەركاسىپ كەشەنىندەگى وڭدەلگەن ءونىم ۇلەسىن 70 پايىزعا جەتكىزۋ قاجەت. بۇل جۇمىستى ۇكىمەت بيزنەس وكىلدەرىمەن بىرلەسىپ اتقارۋعا ءتيىس», دەدى ەل پرەزيدەنتى.
مەملەكەت باسشىسىنىڭ ايتۋىنشا, وسى سالانىڭ يمپورتقا تاۋەلدىلىگىن ازايتۋ ءۇشىن ءىرى ينۆەستيتسيالىق جوبالار قولعا الىنىپ جاتىر.
«الداعى ۋاقىتتا ءسۇت ونىمدەرىن شىعاراتىن 115 فەرما سالىنادى. ولار جىل سايىن 600 مىڭ تونناعا دەيىن ءونىم بەرەتىن بولادى. سونداي-اق 15 ءىرى قۇس فابريكاسى ىسكە قوسىلادى. بۇل كاسىپورىندار جىلىنا 120 مىڭ توننا ەت وندىرەدى. مۇنىڭ ءبارى جالاڭ تسيفر ەمەس, بۇل – ناقتى مىندەتتەر.
ءاربىر ءىرى جوبا اۋىل حالقىنىڭ تۇرمىس ساپاسىن جاقسارتۋعا تىكەلەي اسەر ەتەدى. ايماقتاردى دامىتۋعا مول مۇمكىندىك بەرەدى. مەن بۇل ماسەلەگە ءاردايىم باسا ءمان بەرەتىنىمدى بىلەسىزدەر», دەدى ق.توقاەۆ.