الداعى كۇندەرى بەلسەندى اتلانتيكالىق تسيكلون جىراسىمەن جانە ونىمەن بايلانىستى اتموسفەرالىق فرونتالدى بولىمدەردىڭ اسەرىنەن قازاقستاننىڭ باسىم بولىگىندە قار مەن جاڭبىر كۇتىلەدى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
«3 جەلتوقساندا سولتۇستىك-باتىستا جانە سولتۇستىكتە, 3-4 جەلتوقساندا شىعىستا, 4 جەلتوقساندا ەلىمىزدىڭ وڭتۇستىك-شىعىسىنداعى تاۋلى اۋدانداردا قاتتى جاۋىن-شاشىن كۇتىلەدى. جاۋىن-شاشىنمەن قاتار رەسپۋبليكانىڭ سولتۇستىك جارتىسىندا كوكتايعاق قۇبىلىستارى مەن بۇرقاسىن بولادى دەپ كۇتىلەدى. رەسپۋبليكا بويىنشا تۇمان, جەل 15-29 م/س, ەلىمىزدىڭ سولتۇستىك-باتىسىندا جانە سولتۇستىگىندە ەكپىنى كەي ۋاقىتتاردا 30 م/س جانە ودان اسا كۇتىلەدى», دەلىنگەن حابارلامادا.
سونىمەن قاتار 4 جەلتوقساننان باستاپ سولتۇستىك-باتىس انتيتسيكلونىنىڭ جوتاسىمەن سۋىق اۋا ماسسالارىنىڭ ەنۋى كۇتىلەدى, بۇل قازاقستاننىڭ باسىم بولىگىندە اۋا تەمپەراتۋراسىنىڭ كۇرت تومەندەۋىنە اكەلەدى.
سولتۇستىك-باتىس جانە سولتۇستىكتە تۇنگى ساعاتتاردا 7-21 گرادۋس ايازعا دەيىن, ال رەسپۋبليكانىڭ ورتالىعى مەن شىعىسىندا 5-15 گرادۋس ايازعا دەيىن تومەندەۋى كۇتىلەدى. وڭتۇستىك وڭىرلەردە 0-5 گرادۋس ايازعا دەيىن شامالى تومەندەۋى بولجانادى.