ۇلىتاۋ وبلىسىنداعى ارتۇرلى داۋىرلەردەگى تاريحي ەسكەرتكىشتەر ءوڭىردىڭ تۋريستىك الەۋەتىن, اسىرەسە, ەتنو جانە ەكوتۋريزمدى ارتتىرۋعا مۇمكىندىك بەرەدى. وسىعان وراي وڭىردەگى ءتۋريزمدى دامىتۋ ءۇشىن ينفراقۇرىلىم وڭ جولعا قويىلۋ كەرەك. سالانى سەرپىلتۋ ءىسىنىڭ ءمان-جايىن بەرىك ابدىعالي ۇلى ورتالىق كوممۋنيكاتسيالار قىزمەتىندە وتكەن بريفينگتە ءمالىم ەتتى, دەپ جازادى Egemen.kz.
«لوگيستيكالىق پروبلەمالارعا قاراماستان, 6 ايدا كەلۋشى تۋريستەر سانى 7 پايىزعا وسكەنىن بايقاپ وتىرمىز, بۇل رەتتە وڭىرگە كەلگەن شەتەلدىكتەر سانى 2 ەسەگە جۋىق ءوستى. قوناق ۇيلەر كورسەتكەن قىزمەتتەر كولەمى 240 ملن تەڭگەگە دەيىن نەمەسە 32%-عا ءوستى», دەدى بەرىك ابدىعالي ۇلى.
وڭىردە قوناق ءۇي كەشەندەرىنىڭ تاپشىلىعى بايقالادى. ماسەلەنى بىرتىندەپ شەشۋ ءۇشىن جاڭاارقا اۋدانىندا ەكى قوناق ءۇي كەشەنى اشىلعان. ۇلىتاۋعا كەلەتىن پويىزدار مەن اۋە رەيستەرى جيىلەگەن.
«وبلىستا تۋريستىك ينفراقۇرىلىمدى دامىتۋ ءۇشىن بىرقاتار شارا اتقارىلىپ جاتىر. وڭىردە قوناق ءۇي كەشەندەرىنىڭ تاپشىلىعى بايقالادى. ءبىز بۇل ماسەلەنى بىرتىندەپ شەشىپ جاتىرمىز. ماسەلەن, جاڭاارقا اۋدانىندا ەكى قوناق ءۇي كەشەنى اشىلدى. 2024 جىلى جەزقازعان قالاسىندا قۇنى 1,5 ملرد تەڭگە بولاتىن جالپى سىيىمدىلىعى 100 ورىندىق 2 قوناق ءۇيدى ىسكە قوسۋ جوسپارلانىپ وتىر», دەدى ءوڭىر باسشىسى.
سونداي-اق كەلەر جىلى «جوشى حان» تاريحي-مادەني كەشەنى مەن دومباۋىل كەسەنەسىنە دەيىنگى جاڭا جولدىڭ قۇرىلىسى اياقتالادى.