الماتى كىتاپحانالارىندا زاعيپ جانە ناشار كورەتىن ازاماتتارعا ارنالعان ورىندار جابدىقتالىپ جاتىر. ا.چەحوۆ اتىنداعى جانە قازاقستان جازۋشىلارى كىتاپحاناسى №4 فيليالىنداعى, سونداي-اق Alatau Creative Hub-تا وسى ساناتتاعى ازاماتتاردىڭ ءبىلىم الۋىنا, وقۋىنا جاعداي جاسالىپ, قولجەتىمدى تەحنيكالارمەن قامتاماسىز ەتىلدى.
تەحنولوگيانىڭ كومەگىمەن اقپارات قولجەتىمدى فورماتقا اۋىستىرىلعاننان كەيىن پايدالانۋشى ماتىنمەن تانىسىپ, ءارى قاراي اقپاراتتى كەڭىنەن ىزدەۋگە مۇمكىندىك الادى. وقۋ ماشينالارى قۇجاتتاعى, كىتاپتاعى جانە جۋرنالداعى ءماتىندى سكانەرلەپ, جوعارى دالدىكپەن ءارى اۋديو تۇرىندە جەتكىزە الادى. ءماتىن بويىنشا ىزدەۋ پايدالانۋشىلارعا ءماتىندى جىلجىتۋعا, قاجەتتى بولىمگە, كەلەسى بەتكە وتۋگە كومەكتەسەدى. وقۋ بارىسى جانە زەرتتەۋ ۇدەرىسىن ىڭعايلى ءارى ءتيىمدى ەتۋگە ىقپال ەتەدى. كەلەسى جىلى قالا كىتاپحانالارىن وسىنداي قۇرىلعىلارمەن تولىققاندى جابدىقتاۋ كوزدەلىپ وتىر.
الماتى