«ءوڭىر» توبىنىڭ وتىرىسى

دەپۋتاتتىق توپتىڭ جەتەكشىسى سەرىك شايداروۆ مەملەكەت باسشىسى قازاقستان حالقىنا جولداۋىندا دەموگرافيالىق جانە ەكونوميكالىق ۇردىستەرگە, سونداي-اق ۇلت­تىق مۇددەگە باعدارلانعان يمميگراتسيا مەن ىشكى كوشى-قونعا قاتىستى ساياساتتى تۇبەگەيلى وزگەرتۋدىڭ ماڭىزدىلىعىن اتاپ وتكەنىن ەسكە سالدى.

«قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى اياسىندا مەملەكەتتىك شارالاردى ىسكە اسىرۋمەن قاتار جەرگىلىكتى دەڭگەيدە, اسىرەسە ەكونوميكالىق, الەۋمەتتىك جانە مادەني سالالاردا ىقپالدى دامىتۋ قاجەت. مەملەكەتتىك بيلىك ورگاندارى بۇگىنگى تاڭدا ىشكى كوشى-قون بويىنشا جۇمىس بارىسىندا ءوڭىر ىشىندەگى حالىقتىڭ, ونىڭ ىشىندە ەتنيكالىق توپتاردىڭ تەپە-تەڭدىگىنىڭ بۇزىلۋىنا تاپ بولۋدا», دەدى سەناتور س.شايداروۆ.

وتىرىس بارىسىندا ەڭبەك جانە الەۋ­مەتتىك قورعاۋ ءمينيسترىنىڭ ورىنباسارى ولجاس ورداباەۆ دەپۋتاتتار الدىندا حالىقتىڭ كوشى-قونى سالاسىنداعى اعىم­داعى احۋال تۋرالى بايانداما جاسادى. ول 2022-2027 جىلدارعا ارنالعان كوشى-قون سايا­ساتىنىڭ تۇجىرىمداماسى تۋرالى ايتىپ بەردى. وندا جۇمىس بەرۋشىلەردىڭ سۇرانىسى جانە باسقا دا باعىتتار بويىنشا سۇرانىسقا يە كاسىپتەر اياسىندا قانداستاردىڭ كەلۋى مەن قونىستانۋىنىڭ جاڭا نۇسقاسىن ەنگىزۋ كوزدەلىپ وتىر.

جيىن بارىسىندا ۇلتتىق ەكونوميكا مينيسترلىگىنىڭ وكىلى, سولتۇستىك قازاقستان, شىعىس قازاقستان جانە تۇركىستان وبلىس­تارى اكىمدىكتەرىنىڭ باسشىلىعى ءتۇرلى تاقى­رىپتاردى كوتەرىپ, ۇسىنىستار ايتتى.

ء«وڭىر» دەپۋتاتتىق توبى وتىرىسىنىڭ قورىتىندىسى بويىنشا مۇددەلى مەملەكەتتىك ورگانداردىڭ اتىنا جىبەرىلەتىن ۇسىنىمدار ازىرلەندى.