جەلتوقساننىڭ 16-سىنان 17-سىنە قاراعان ءتۇنى اقش-تىڭ لاس-ۆەگاس قالاسىندا ارالاس جەكپە-جەكتەن UFC 296 ءتۋرنيرى وتەتىنى بەلگىلى. سول جارىستا شاۆقات راحمونوۆ امەريكالىق ستيۆەن تومپسونمەن ايقاسادى.
جوعارىداعى باسەكەدەن بولەك, تاعى كىمدەردىڭ وكتاگونعا شىعاتىنى كەشە بەلگىلى بولدى. ءتۋرنيردىڭ باستى جەكپە-جەگىندە ۇلىبريتانيانىڭ مىقتىسى لەون ەدۆاردسپەن اقش ارلانى كولبي كوۆينگتون كۇش سىناسادى. 32 جاستاعى لەون يامايكادا دۇنيەگە كەلدى. 2010 جىلدان بەرى وسى سپورت ءتۇرىن سەرىك ەتكەن ول 26 كەزدەسۋ وتكىزىپ, 22 رەت جەڭىسكە جەتتى. 10 باسەكەدە ايقىن باسىمدىق تانىتتى. بۇل كۇندەرى ەدۆاردس جارتىلاي ورتا سالماقتىڭ چەمپيوندىق بەلبەۋىن يەلەنىپ وتىر. 35 جاستاعى كولبيدىڭ ارالاس جەكپە-جەكپەن كاسىبي تۇردە اينالىسىپ جۇرگەنىنە 11 جىلدان استى. سول كەزدەن بەرى 20 مارتە ايقاس الاڭىنا شىعىپ, سونىڭ ۇشەۋىندە عانا ۇتىلدى. توعىز كەزدەسۋدە قارسىلاستارىن ۇرىپ جىقتى.
اسا جەڭىل سالماقتاعى برازيليالىق الەشاندرە پانتوجا ءوز اتاعىن قورعاپ قالۋ ءۇشىن امەريكالىق برەندون رويۆالمەن ايقاسادى.