وڭىرارالىق فورۋمعا ء داستۇرلى تۇردە ەكى ەلدىڭ شەكارالاس وڭىرلەرىنىڭ وكىلدەرى مەن كاسىپكەرلەرى قاتىسىپ جاتىر.
سپيكەرلەردىڭ ايتۋىنشا, توبىل تورىندە بولىپ جاتقان ماڭىزدى ءىس-شارا كورشىلەس ەكى مەملەكەتتىڭ ءىرى كاسىپورىندارى مەن شاعىن جانە ورتا بيزنەس سالاسىنداعى ىسكەرلىك ارىپتەستىكتى نىعايتادى. فورۋمعا رەسەي فەدەراتسياسىنىڭ 17 سۋبەكتىسى كەلگەن. ولاردىڭ ىشىندە التاي ولكەسىنىڭ گۋبەرناتورى, باشقۇرتستان مەن كاباردين-بالقار رەسپۋبليكاسىنىڭ باسشىلارى دا بار. ايتا كەتۋ كەرەك, ەكىجاقتى تاۋار اينالىمىنىڭ 70%-كە جۋىعى وڭىرلەردىڭ ۇلەسىنە تيەسىلى. بيىل بۇل كورسەتكىش 27 ملرد اقش دوللارىنا جەتكەن. فورۋم اياسىندا وڭىرلەر مەن ەكى ەلدىڭ كومپانيالارى اراسىندا جاڭا كەلىسىمدەرگە, مەموراندۋمدار مەن ءوزارا ءتيىمدى كەلىسىمشارتتارعا قول قويىلدى. ماڭىزدى ءىس-شارا رەسەي مەن قازاقستان اراسىنداعى ينتەگراتسيالىق بايلانىستى, بىرلەسكەن ساۋدا-ينۆەستيتسيالىق قىزمەت پەن مادەني-گۋمانيتارلىق قارىم-قاتىناستى دامىتۋعا سەرپىن بەرەدى.