بۇل كۇندەرى الەمنىڭ ءار قيىرىندا تەننيستەن ءتۇرلى تۋرنير ءوتىپ جاتىر. سولاردىڭ بىرقاتارىندا جەرلەستەرىمىز دە باق سىنادى.
بەيبىت جۇقاەۆ كەشە عانا اقش-تىڭ شارلوتسۆيلل قالاسىندا اياقتالعان جارىستا جەڭىمپاز اتاندى. باستاپقى باسەكەلەردە تاي-سونا كۆياتكوۆسكي (اقش), ينياكي مونتەسا دە لا توررە (يسپانيا) جانە نينو سەردارۋشيچكە (حورۆاتيا) سان سوقتىرعان قانداسىمىز جارتىلاي فينالدا پاتريك كيپسوندى قاپى قالدىردى. ءبىر جارىم ساعاتقا سوزىلعان سايىس 6:4, 7:6 ەسەبىمەن اياقتالدى. فينالدا بەيبىت ەيدەن مايودان (اقش) ايلاسىن اسىردى. بۇل باسەكەدە 6:3, 6:4 ەسەبى تىركەلدى. وسى جەڭىسىنىڭ ارقاسىندا ول 10 840 دوللاردى قالتاسىنا باستى. وسىلايشا, بەيبىت ءوزىنىڭ سپورتتىق مانسابىندا تۇڭعىش رەت «چەللەندجەر» ساناتىنداعى جارىستا باس جۇلدەنى ولجالادى.
فينليانديانىڭ باس شاھارى حەلسينكيدەگى ءتۋرنيردىڭ تۇساۋكەسەر كەزدەسۋىندە دەنيس ەۆسەەۆ ءدال سول مەملەكەتتىڭ وكىلى وتسو مارتيكاينەندى 6:4, 6:1 ەسەبىمەن ەركىن ەڭسەردى.