بۇل جولعى سامميتتە ەكونوميكالىق ىنتىماقتاستىققا دا باسا نازار اۋدارىلىپ وتىر. وسىنىڭ وزىنەن-اق تۇركى مەملەكەتتەرى اراسىنداعى ەكىجاقتى كوپولشەمدى ىنتىماقتاستىق قارقىن الىپ كەلە جاتقانىن اتاپ وتۋگە بولادى.
بۇگىندە ستراتەگيالىق قارىم-قاتىناستى جان-جاقتى دامىتۋعا كوڭىل ءبولىپ وتىر. ماسەلەن, قازاقستان وزبەكستاننىڭ قىتاي مەن رەسەيدەن كەيىنگى سىرتقى ساۋدا سەرىكتەستەرىنىڭ ۇشتىگىنە كىرەدى. بيىلعى توعىز ايدا قازاقستان مەن وزبەكستان اراسىنداعى تاۋار اينالىمى 3 ميلليارد دوللاردان استى. وزبەكستان مەن تۇركيانىڭ دا ءوزارا اينالىمى جىل سايىن ارتىپ كەلەدى. بيىلدىڭ وزىندە بۇل ەلمەن 370 جاڭا بىرلەسكەن كاسىپورىن قۇرىلدى. سونداي-اق بىرلەسكەن جوبالارىمىز كوپ. وزبەكستان مەن ماجارستان اراسىندا قۇس شارۋاشىلىعى كلاستەرىن قۇرۋ, اۋە كومپانياسىن ەنگىزۋ, ءدارى-دارمەك, قۇرامداس بولىكتەر مەن حيميالىق ونىمدەر شىعارۋدى باستاۋ جوسپارلارى بار. ازەربايجان مەن وزبەكستان ەنەرگەتيكا, حيميا, كولىك, ماشيناجاساۋ جانە قۇرىلىس سياقتى سالالاردا ارىپتەستىك ورناتىپ جاتىر.
راۆشان نازاروۆ,
وزبەكستان عىلىم اكادەمياسى مەملەكەت جانە قۇقىق ينستيتۋتىنىڭ اعا عىلىمي قىزمەتكەرى