الماتىدا «ياندەكس» باعدارلامالاۋ مەكتەبىنىڭ كەزەكتى كۋرسى باستالدى. 2017 جىلدىڭ قازان ايىندا استانا جانە الماتى قالالارىندا باستالعان IT نەگىزدەرىن مەڭگەرۋگە وقۋشىلاردىڭ قىزىعۋشىلىعى وتە جوعارى.
باعدارلامالاۋ مەكتەبى IT سالاسىنا, ناقتى عىلىمدارعا قىزىعۋشىلىق تانىتاتىن 8-10-سىنىپ وقۋشىلارىنا ارنالعان. مۇندا تاجىريبەلى وقىتۋشىلار بالالارعا سۇرانىسقا يە باعدارلامالاردى ۇيرەتىپ كەلەدى.
– العاشقى كۇننەن باستاپ مەكتەپكە قىزىعۋشىلىق جوعارى بولدى. بالالاردىڭ دا IT الىپپەسىن مەڭگەرۋگە دەگەن قۇلشىنىسى زور. ويتكەنى زاماناۋي ءبىلىم ەڭ بەدەلدى دەگەن جوعارى وقۋ ورىندارىنا تۇسۋگە, تابىسى جوعارى جۇمىس ورىندارىنا ورنالاسۋعا مۇمكىندىك بەرەدى, – دەيدى رەسپۋبليكالىق فيزيكا-ماتەماتيكا مەكتەبى ديرەكتورىنىڭ ورىنباسارى گۇلنۇر اۋباكىروۆا.
قازاقستانداعى «ياندەكس GO» باسشىسى تايىر بايدۇيسەننىڭ ايتۋىنشا, ەلىمىزدە IT نەگىزدەرىن وقىتۋعا دەگەن سۇرانىس وتە جوعارى. «ەندىگى كەزەكتە ەكى قالامەن شەكتەلمەي, باسقا وڭىرلەردى دە قامتۋدى جوسپارلاپ وتىرمىز. قازىرگى كەزدە جوبا پەتروپاۆل, تالدىقورعان جانە قوستانايدا ىسكە اسا باستادى», دەدى ول.
جاس تالانتتار ءۇشىن جاعىمدى توسىنسىيلار مۇنىمەن بىتپەيدى. باعدارلامالاۋ مەكتەبىنىڭ تۇلەكتەرى ءبىلىم بەرۋ باعدارلامالارىنا قول جەتكىزە وتىرىپ, Django, GameDev ينتەرفەيستەرىن قۇرۋ, junior-ازىرلەۋشىلەردىڭ داعدىلارىن يگەرىپ, ماشينالىق وقىتۋ جانە باسقا دا باعىتتار بويىنشا ونلاين كۋرستاردا زاماناۋي IT ماشىقتاردى مەڭگەرەدى.
الماتى