قوسىمشاداعى جاڭا قىزمەت

ادىلەت مينيسترلىگىنىڭ, رەس­پۋب­ليكالىق نوتارياتتىق پالاتا مەن «ۇلتتىق اقپاراتتىق تەح­نولوگيالار» اق اقپاراتتىق جۇيەلەرى اراسىنداعى ينتەگراتسيا ازاماتتارعا نوتاريۋسقا بار­ماي-اق نوتاريات كۋالاندىرعان قۇ­جات­تاردى بىرنەشە مينۋت ىشىندە الۋعا مۇمكىندىك بەرەدى. ەرلى-زايىپ­تىلاردىڭ كەلىسىمىن تالاپ ەتە­تىن قۇجاتتاردى راسىمدەۋ eGov mobile قوسىم­شاسىنىڭ «eNotary» بولى­مىن­دە قولجەتىمدى. قىزمەتتى پاي­دالانۋ ءۇشىن ونلاين رە­جىمدە بيومەتريالىق تەك­سە­رۋ­دەن ءوتۋ كەرەك. نوتاريۋس تۇ­تىنۋشىنىڭ دەرەكتەرىن تەكسەرگەننەن كەيىن كەلىسىم راستالسا, نوتاريالدى كۋالاندىرىلعان قۇ­جات جاسالادى. بەينەقوڭىراۋ اياقتالعاننان كەيىن پايدالانۋشى «نوتارياتتىق ءىس-ارەكەت­تەر» بولىمىندە ءوتىنىمنىڭ مارتە­بە­سىن كورە الادى. eGov mobile قو­سىمشاسىنىڭ «تسيفرلى قۇ­­جات­تار» بولىمىندەگى QR كودتى سكانەرلەۋ ارقىلى بەي­نەكامەرانىڭ كو­مەگىمەن رەسمي كۋالاندىرىلعان سەنىمحاتتىڭ تۇپ­نۇسقالىعىن تەكسەرۋگە دە بولادى. جاڭا سە­نىمحات «تسيفر­لى قۇجاتتار» بولى­مىندە قول­جەتىمدى.

– بيىل­ ءساۋىر ايىندا eGov mobile قو­سىم­شاسىندا «eNotary» قىز­مە­تى ىسكە قوسىلدى ءارى قازىر­گى كەز­دە ول سۇرانىسقا يە قىزمەت­تەر­دىڭ قاتارىندا. ازاماتتاردىڭ وسى قىزمەتتى پايدالانا وتىرىپ, الەمنىڭ كەز كەلگەن نۇكتەسىنەن قا­جەتتى قۇجاتتى كۋالاندىرۋعا مۇمكىندىگى بار. بۇل قىزمەت ىڭ­عاي­لى, ويتكەنى قۇجاتتاردى راسىم­دەۋگە نوتاريۋستى ىزدەپ, وعان با­رۋدىڭ قاجەتى جوق. ەندى ەرلى-زا­يىپ­تىلاردىڭ كەلىسىمىن بىرنەشە مينۋت ىشىندە ونلاين رەجىمدە الۋ­عا بولادى, – دەدى «ۇلتتىق اقپاراتتىق تەحنولوگيالار» اق باس­قارما توراعاسى روستيسلاۆ كونياشكين.