الماتى قالاسىنداعى حيميا-بيولوگيا باعىتىنداعى NIS مۇعالىمدەرى شولپان ابىشەۆا مەن ايجان ومارحانوۆا Pro.NRG 2023 جاھاندىق فەستيۆالىنىڭ «Science on Stage Kazakhstan» ۇلتتىق ىرىكتەۋ ءتۋرنيرىنىڭ جەڭىمپازى اتاندى.
پەداگوگتەر مەن عالىمداردىڭ باسىن بىرىكتىرەتىن ءداستۇرلى حالىقارالىق عىلىمي فورۋم بيىل «STEM – ءبىلىم بەرۋدىڭ تۇراقتى دامۋى» تاقىرىبىندا ءوتتى.
ەۋروپانىڭ جاراتىلىستانۋ سالاسىنداعى تاجىريبەلى پروفەسسورلارى مايكل گرەگوري (فرانتسيا), گوردون كەننەدي (يتاليا), ناسكو ستامەنوۆ (بولگاريا), پول لاندماننان (يسپانيا) تورەلىك ەتكەن بايقاۋدا ەلىمىزدىڭ تۇكپىر-تۇكپىرىنەن ۇسىنىلعان 50 ۇزدىك جوبا تالقىعا ءتۇستى. ناتيجەسىندە, ساراپشىلار جەتى جوبانى تاڭداپ الدى. جەڭىمپاز ۇستازدار كەلەسى جىلدىڭ جازىندا فينليانديادا وتەتىن ەۋروپالىق «Science on Stage-2024» 13-فەستيۆالىندە ەلدىڭ نامىسىن قورعايدى.
«Science on Stage» فەستيۆالىنە ەۋروپانىڭ 30-دان استام ەلىنەن ۇلتتىق بايقاۋلاردىڭ جەڭىمپازدارى قاتىسادى. كاسىبي الاڭدا الەمنىڭ 500-گە جۋىق مەكتەپ مۇعالىمدەرى ستەندتەردە, سەمينارلاردا جانە سەسسيالاردا ەڭ كرەاتيۆتى STEM يدەيالارىمەن بولىسەتىن بولادى.
الماتى