اينالايىن, اليمەنت تولە...

ادەتتە قۇزىرلى ورىندار مۇن­داي بورىشكەرلەردىڭ قارىزىن ونىڭ مۇلكىن تاركىلەۋ, ەلدەن تىس جەر­لەرگە شىعۋىنا ۋاقىتشا تى­يىم سالۋ, بەلگىلى ءبىر ءىس-ارەكەت­تەر­دى جاساۋعا شەكتەۋ قويۋ سياقتى زاڭ كۇشىن قولدانۋ ارقىلى ءماجبۇرلى تۇردە ءوندىرىپ الىپ جاتادى. الاي­دا ونسىز دا اكە جىلۋىنان قا­عىلىپ, جانارى جاۋتاڭداپ قال­عان بەيكۇنا سابيىنە قاراسپاق تۇگىلى, ءوز باسىن ارەڭ الىپ جۇرگەن­دەر­دىڭ بار ەكەنى دە بەلگىلى. قۇزىرلى ورىندار وسى جاعىن دا ەسكەرسە كەرەك, توبىل قالا­سىن­دا اليمەنت بەرەشەگى بار جانە پروباتسيا قىزمەتىندە ەسەپتە تۇر­عان ازا­ماتتارعا ارنالعان بوس جۇ­مىس ورىندارى جارمەڭكەسى ءوتتى. قوس­تاناي اۋدانىنىڭ پروكۋراتۋراسى مەن وزگە دە جاۋاپتى ورىندار بىرلەسىپ ۇيىمداستىرعان ءىس-شاراعا اۋداننىڭ 18 كاسىپورنى, جيىرما شاقتى بورىشكەر جانە پروباتسيادا ەسەپتە تۇرعان 34 ادام قاتىستى.

جارمەڭكە بارىسىندا ۇسى­نىل­عان جۇمىس تۇرلەرى دە ءار الۋان. كاسىپ­كەرلەردىڭ ايتۋىنشا, قازىر اۋداندا اعاش ۇستاسى, سىلاقشى, پلاستيكالىق تەرەزە قۇ­راستىرۋشى, دانەكەرلەۋشى, ەلەكتر مامانى, كىرپىش قالاۋشى, وت جاعۋشى, جۇك ءتۇسىرۋشى, قاتتى تۇر­مىستىق قالدىقتاردى سۇرىپ­تاۋ­شى, جۇرگىزۋشى, مەحانيزاتور, سلەسار, تەمىر ۇستاسى سياقتى ماماندار جوعارى سۇرانىسقا يە.

– ۇيىمداستىرۋشىلار ۇسى­نىپ جاتقان جۇمىستاردىڭ ءبىرا­زىن بۇرىن ىستەپ كورگەنمىن. قو­لايى­ما كەلەتىنىن تاڭداپ الدىم. ءبىز جۇبايىمىز ەكەۋمىز قوس­تاراپ­تى كەلىسىم بويىنشا بەيبىت اجىراسقانبىز. باستاپقىدا اليمەنت مەرزىمىن كەشىكتىرمەي جۇمىس ورنىمنىڭ ەسەپ ءبولىمى ارقىلى تولەپ تۇردىم. كەيىن مەن جۇمىس ىستەپ جاتقان سەرىكتەستىك جابىلىپ قالدى دا, ءبىرتالاي ادام جۇمىسسىز قالدىق. ودان كەيىن ءبىر-ەكى مەكەمەدە جۇمىس ىستەپ كوردىم, بىراق جالاقىسى ماردىمسىز بولعان سوڭ, جۇمىستان شىعۋىما تۋرا كەلدى. وسىلايشا, ءبىراز ۋاقىت جۇمىس تابا الماي ءجۇرىپ قالىپ, قۇ­قىق قورعاۋ ورگاندارىنىڭ قارا تىزىمىنە ىلىكتىم. ەندى وسى ءىس-شارا­دان كەيىن جاعداي تۇزەلەدى دەگەن وي­دامىن, – دەيدى الەكساندر ەسىمدى ازامات.

ءىس-شارا بارىسىندا 13 ادام جۇمىسقا ورنالاستى. ونىڭ التاۋى اليمەنتىن تولەي الماي جۇر­گەندەر, جەتەۋى پروباتسيا قىز­مە­تىنىڭ تىركەۋىندەگى سوتتالعان ادام­.

– بوس جۇمىس ورىندارى جارمەڭ­كەسى سياقتى ءىس-شارالار قاتىسۋشىلاردىڭ ءبىلىمى مەن كاسىبى ەسكەرىلە وتىرىپ ۇيىمداس­تى­رىلادى. ولار وسى جەردە ەڭبەك جاعدايىنا قانىعىپ, جۇ­مىس بەرۋشىمەن الدىن الا ەڭبەك شارتىن جاسايدى. بۇل بورىشكەرلەردىڭ قوردالانىپ قالعان اليمەنت قارىزىن بىرتە-بىرتە وتەۋىنە مۇمكىندىك بەرەدى. ال جۇمىس ىستەگىسى كەلمەيتىن بورىش­كەر­لەر زاڭ بەلگىلەگەن جاۋاپ­كەرشىلىككە تارتىلادى, – دەيدى قوستاناي اۋداندىق پروكۋرا­تۋ­را­سىنىڭ پروكۋرورى اقمەيىر تەمىرقىزى.

پروكۋراتۋرا ماماندارىنىڭ مالىمەتىنشە, بۇگىندە اليمەنت تولەم­دەرىن تولەمەگەن 10 بورىشكەر قىلمىستىق كودەكستىڭ 139-بابى بويىنشا قىلمىستىق جا­ۋاپكەرشىلىككە تارتىلعان. سونداي-اق 7 بورىشكەرگە اكىم­شىلىك قۇقىق بۇزۋشىلىق تۋرالى كودەكستىڭ 669-بابىنا سايكەس اكىمشىلىك جازا تاعايىندالعان.

قوستاناي وبلىسى