الاڭسىز الىناتىن اۆانس

قارجىلىق كۇيزەلىستەر جۇمىسشى­لاردىڭ ءال-اۋقا­تىنا عانا ەمەس, جۇمىستىڭ ونىم­دىلىگى مەن تيىمدىلىگىنە دە اسەر ەتۋى مۇم­كىن. قازىر ەكىنىڭ ءبىرى نەسيە قۇرى­عىنا تۇسكەن. ولاردىڭ اتاۋى مەن قارىز تۇر­لەرىنەن كوز سۇرىنەدى. قارىزىن قاي­تارا الماي, نەسيەنىڭ سالدارىنان نەسىبەسىنەن قاعىلىپ جۇرگەندەر قانشاما؟ مۇنىڭ ءبارى ەكونوميكا­لىق ۇدەرىستىڭ ۇلەسىندە بولعانىمەن, حالىق ءوز بەتىنشە شەشۋگە كىرىستى.

Prosper Pay – جالاقىنى باسقا­رۋعا مۇمكىندىك بەرەتىن قوسىم­شا. قىز­مەتكەر جۇيەگە كىرىپ, كەز كەلگەن ۋاقىت­تا جالاقى الاتىن كۇندى كۇتپەي-اق, وسى ساتتە وسىعان دەيىن تاپقان اق­شا­سىنان اۆانس­تىق تولەم سۇراي الادى. قولدانبادا قىزمەتكەردىڭ كۇن سايىن قانشا اقشا تاپقانى كورىنىپ تۇرادى.

بەيبىت ءجانتورين – قازاقستان مەنەدجمەنت, ەكونوميكا جانە بولجاۋ ينستيتۋتىن, بريتاندىق University of Exeter وقۋ ورنىن بىتىرگەن تابىستى قار­جىگەر. بۇل قوسىمشانى تابىسى ورتاشا وندىرىستىك جانە جەلىلىك پەرسونالعا ارناپ جاساعان. قا­زىر Prosper Pay-ءدى شتاتتىق جالپى سانى 20 مىڭ ادامنان تۇراتىن 11 كومپانيا قولدانادى. ولاردىڭ ىشىندە ءىرى بولشەك ساۋدا ورىندارى, اۋتستاففينگ كومپانيالارى, فيتنەس-كلۋبتار, وندىرىستىك كاسىپورىندار بار. گەوگرافياسى – الماتى, استانا قالاسى جانە الماتى وبلىسى.

قوسىمشانىڭ ارتىقشىلىق­تارىن زەردەلەپ كوردىك. بىرىنشىدەن, Prosper Pay – جۇمىسسىزدىقپەن كۇرەسەتىن جۇيە. جەلىلىك پەرسونال اراسىندا كادرلاردىڭ اۋىسۋى كۇردەلى ماسەلە ەكەنى ايتپاسا دا بەلگىلى. فەنتەح ماماندارىنىڭ ايتۋىنشا, ەۋروپا مەن اقش-تا Prosper Pay سياقتى قىز­مەتتەر جۇمىسسىزدىقتى ەكى ەسە ازايتۋعا كومەكتەسكەن. ەكىنشىدەن, اۆانس­تاردى تولەۋ ۇدەرىسىن اۆتو­مات­تاندىرۋعا كومەكتەسەدى. دەمەك, كادر جۇمىسىن رەتتەۋ جۇيەسىنە ۇلكەن دەمەۋ. مۇنى مەديتسينالىق ساق­تاندىرۋ سىندى قىزمەتتەر­مەن قا­تار قويۋعا بولادى. باتىس ەلدەرىندە مۇنداي قىزمەتتەردى پايدالاناتىن كومپانيالارعا جۇ­مىسقا تۇرۋعا سۇرانىس كوپ.

– رrosper Pay كومەگىمەن ادام ءوز اقشاسىن الادى. تەتىگى وسىنداي. قىزمەتكەر 15 كۇن جۇمىس ىستەدى جانە وسى ۋاقىت ىشىندە 150 مىڭ تەڭگە تاپتى دەلىك. ەگەر وعان اياقاستى قاراجات قاجەت بولسا, ول جەكە كابينەتكە كىرەدى, قاجەتتى سومانى ەنگىزەدى, سوما بىرنەشە مي­نۋت ىشىندە كارتاعا تۇسەدى. بۇل ءومىردى ايتارلىقتاي جەڭىلدەتەدى. ويتكەنى, قىزمەتكەرگە باستىققا بارۋدىڭ, جاعدايدى ءتۇسىندىرۋدىڭ, ءوتىنىش جازۋدىڭ جانە ونىڭ ماقۇل­داۋىن, بۋحگالتەردىڭ ەسەپتەۋىن كۇتۋدىڭ قاجەتى جوق. مۇنىڭ ءبارى كوپ ۋاقىتتى الادى, – دەيدى بەيبىت ءجانتورين.

جۇمىس بەرۋشىلەرگە باعدارلا­ما­لىق جاساقتامانى ولاردىڭ ەسەپ جۇ­يە­لەرىمەن بىرىكتىرۋگە رۇق­سات بەرۋ عانا تا­لاپ ەتىلەدى. سون­دا قىز­مەتكەرلەر اي ىشىندەگى تاپ­قان اقشاسىن كورە الا­دى. ەگەر بەل­گىلى ءبىر سومانى اۆانس رەتىندە كار­تاعا اۋدارۋدى شەشسە, ترانزاك­­­تسيا بۋحگالتەردىڭ ۆەدوموسىندە كور­سە­تى­لە­دى. ال قىزمەتكەر ءوزى تاپ­قان اقشاعا ساي سۇرانىس جاساي­دى, اقشا قىزمەتكەر شوتىنا تۇسە­دى. سودان كەيىن كومپا­نيا قىزمەت­كەرگە جالاقىنى اۋدارعان كەزدە قارىز سوماسى رrosper Pay شوتى­نا كەتەدى. بۋحگالتەرگە وسى قارجىلىق وپەراتسيالاردىڭ بار­لىعى اۆتوماتتى تۇردە كورىنىپ تۇرادى.

بەيبىتتىڭ تۇپكى ماقساتى – جا­لاقىنى تولەۋدىڭ وسىنداي ءتاسىلىن ەلىمىزدە يندۋستريالىق ستاندارت پەن نورماعا اينالدىرۋ.

– بانكتەردە, ءارتۇرلى كومپا­نيا­­لاردا جۇمىس ىستەگەن كەزدە كوپ نارسە ۇيرەندىم, كەرەمەت تاجىريبە الدىم. ءبىزدىڭ سەر­ۆيس كادرلار اينالىمىن 2 ەسە تو­مەندەتۋگە قابىلەتتى. كۆازي­مەم­لەكەتتىك سەكتورمەن دە شارت جاساۋ ويدا بار. قازىردىڭ وزىندە بىرنەشە ءىرى كومپانيامەن كەلىسۋ ساتىسىندامىز. B2G باعىتىن قول­عا الۋىمىز كەرەك. الايدا شەك­تەۋلى رەسۋرستارعا بايلانىستى مۇم­كىندىك بولماي جاتىر. جاقىن ارادا شىمكەنت, اقتاۋ, قاراعاندى جانە اقتوبە نارى­عىنا ويىسساق دەگەن جوسپارىمىز بار, – دەيدى ول.

ەكونوميست ماماندار اقشا ۇنەمى قولجەتىمدى بولۋى كەرەك دەيدى. ولار­دىڭ ايتۋىنشا, رrosper Pay سىندى قوسىمشالار قارجىلىق ساۋاتتى ارت­تىرۋعا كو­مەكتەسەدى.

– بۇل قوسىمشانى ءوز باسىم قول­دايمىن. ادامداردىڭ الەۋ­­مەتتىك جاع­دايىنا وڭ اسەر ەتەدى. كۇندەلىكتى تۇرمىستىق شى­عىن­دار­دان بولەك, توتەنشە جاع­داي بو­لىپ قالۋى مۇم­كىن. حالىق­تىڭ اق­شاسى جەتپەيدى. سو­­سىن امال­سىزدان نەسيە, ميكرونەسيەگە جۇگى­رەدى. «ەرتەڭ ايلىق الا­مىن دا, قايتارىپ تاستايمىن» دەپ ويلايدى. بىراق سولاي قارىز­دان-قارىزعا كىرىپ كەتىپ جات­قاندار قانشاما. مۇنداي قوسىم­شانى دامىعان مەملەكەتتەر كوپ قول­دانادى, – دەيدى ەكونوميكا عى­لىم­دارىنىڭ كانديداتى عالىمجان ەسقاراەۆ.