قازاق ۇلتتىق اگرارلىق زەرتتەۋ ۋنيۆەرسيتەتىندە جىل باسىنان بەرى پروفەسسور-وقىتۋشىلاردىڭ جالاقىسى كوتەرىلدى. ولاردىڭ الەۋمەتتىك جاعدايىنا دا كوڭىل ءبولىنىپ وتىر.
ۋنيۆەرسيتەت باسشىلىعىنىڭ شەشىمىمەن پروفەسسور-وقىتۋشىلار قۇرامى مەن بۇكىل ۇجىمعا ارنالعان الەۋمەتتىك نىسانالى كومەكتى كۇشەيتۋ ماقساتىندا جاقىندا كاسىپوداق ۇيىمى قۇرىلىپ, بيۋدجەتتەن قارجىلاندىرىلاتىن بولادى. وسى جىلدىڭ قازان ايىنان باستاپ كاسىپوداق مۇشەلەرى الماتى قالاسىنداعى قوعامدىق كولىكتەردە تەگىن ءجۇرۋ بيلەتىمەن قامتاماسىز ەتىلەدى.
قازىرگى كەزدە ۋنيۆەرسيتەتتىڭ قىزمەتكەرلەرى مەن ستۋدەنتتەردىڭ الەۋمەتتىك-تۇرمىستىق جاعدايىن قولداۋ ماقساتىندا ارنايى الەۋمەتتىك دۇكەن اشىلىپ, جۇمىس ىستەي باستادى. مۇندا كۇندەلىكتى تۇتىناتىن ازىق-ت ۇلىك قالاداعى باسقا ساۋدا ورىندارىنا قاراعاندا 10-15 پايىزعا تومەن باعامەن ساتىلادى. الداعى ۋاقىتتا قىزمەتكەرلەر مەن ستۋدەنتتەر ءۇشىن فەرمەرلىك قوجالىقتاردان تىكەلەي اۋىل شارۋاشىلىعى ونىمدەرى (ەت, ماي, كارتوپ, كوكونىس, جەمىس-جيدەك, ت.ب.) كوتەرمە ساۋدا باعاسىمەن جەتكىزىلەتىن بولادى. سونداي-اق cتۋدەنتتەر ءۇشىن ارنايى اسحانا جۇمىس ىستەسە, قىزمەت كورسەتۋ ورتالىعىندا دا ء«بىر تەرەزە» قاعيداتىمەن انىقتاما الۋ, ونلاين ءوتىنىش بەرۋ سياقتى كوپتەگەن قىزمەت ءتۇرى قولجەتىمدى.
الماتى