اباي اتىنداعى قازاق ۇلتتىق پەداگوگيكالىق ۋنيۆەرسيتەتىنە قاراستى پەداگوگيكا جانە پسيحولوگيا ينستيتۋتىندا كوۆوركينگ ورتالىعى اشىلدى.
ورتالىقتىڭ اشىلۋىندا ۇلتتىق عىلىم اكادەمياسىنىڭ ۆيتسە-پرەزيدەنتى دارحان ءبىلالوۆ: «زاماناۋي جانە يننوۆاتسيالىق ءبىلىم بەرۋ ورتالىعى ستۋدەنتتەر ءۇشىن ءبىلىم الۋعا, تىڭ تاقىرىپتار بويىنشا پىكىر الماسۋعا, جاڭا تەحنولوگيالاردى يگەرۋگە تولىق مۇمكىندىك بەرەدى» دەپ اتاپ ءوتتى.
ۋنيۆەرسيتەت باسقارما توراعاسى رەكتورىنىڭ مىندەتىن اتقارۋشى كلارا يساقوۆا ورتالىقتى اشۋعا قولداۋ كورسەتكەن دەمەۋشىلەرگە جانە ۋنيۆەرسيتەت ۇجىمىنا العىسىن ءبىلدىردى. وقۋ ورنى عىلىمي زەرتتەۋ جۇمىستارىنا مۇمكىندىك بەرەتىن زاماناۋي ينفراقۇرىلىممەن, جاڭا قۇرال-جابدىقتارمەن, كىتاپحانا قورىمەن قامتاماسىز ەتىلگەنىن جەتكىزدى.
كوۆوركينگ ورتالىق جاڭا ىزدەنىستەرگە جول اشادى. مۇندا ستۋدەنتتەرگە, وقىتۋشىلار مەن زەرتتەۋشىلەرگە بىرلەسىپ جۇمىس ىستەۋگە يدەيالاردى جۇزەگە اسىرۋعا جاعداي جاسالعان.
الماتى