شوقان ءۋاليحانوۆ اتىنداعى جەكەمەنشىك مەكتەپتە 7-11-سىنىپ وقۋشىلارى ءۇشىن 520 ورىنعا ارنالعان يننوۆاتسيالىق كورپۋس اشىلدى. جاڭا عيمارات 9 باعىت بويىنشا وقىتۋ باعدارلامالارىن قامتيدى. ءار باعىتقا سايكەس, مەكتەپ تۇلەكتەرىنە ءتيىستى سەرتيفيكاتتار, ديپلومدار مەن العىسحاتتار تابىستالادى.
يننوۆاتسيالىق عيماراتتا 600 شارشى مەتر سپورت زالى, ۇلكەن كيىز ءۇي ءپىشىندى 80 ورىندىق كىتاپحانا, جوعارى دەڭگەيدە جابدىقتالعان 3 ءدارىس زالى, LED ەكراندى امفيتەاتر, 400 ورىندىق اسحانا, حورەوگرافيا, دزيۋدو زالدارى, وقۋشىلاردىڭ دەمالۋىنا ارنالعان 10-نان اسا شىعارماشىلىق ايماق پەن اسحانا ورنالاسقان.
مەكتەپتىڭ نەگىزىن قالاعان مەتسەنات اسەل تاسماعامبەتوۆانىڭ ايتۋىنشا, يننوۆاتسيالىق كورپۋستىڭ اشىلۋى – مەكتەپ قۇرىلعالى جوسپارلانعان ماڭىزدى قادامنىڭ ءبىرى. بۇل ورتالىقتا وقۋشىلاردىڭ كاسىبي سالادا عانا ەمەس, مادەني مۇرامىزدى, تاريحىمىزدى ماقتان تۇتاتىن تۇلعا بولىپ قالىپتاسۋىنا تولىققاندى جاعداي جاسالعان.
شوقان ءۋاليحانوۆ اتىنداعى جەكەمەنشىك مەكتەپ ون جىلدان اسا ۋاقىت ىشىندە حالىقارالىق ەكولوگيالىق ستاندارتقا يە بولا وتىرىپ, ءبىلىم بەرۋ ىسىندە ۇزدىك تاجىريبە مەن ساپالى بىلىمگە قولجەتىمدىلىكتى قامتاماسىز ەتىپ كەلەدى. وقۋشىلاردى ۇنەمى ىنتالاندىرىپ وتىرۋ ماقساتىندا ۇزدىك وقۋشىلارعا ارنايى گرانتتار مەن شاكىرتاقى قاراستىرىلعان.
الماتى