14 قازاندا اقش-تىڭ روزەنبەرگ قالاسىندا وتەتىن كاسىپقوي بوكس كەشىندە جانىبەك ءالىمحان ۇلى مەن گەرمانيالىق ۆينچەنتسو گۋالتەريدىڭ كۇش سىناساتىنى بەلگىلى.
بۇل باسەكەدەن بولەك, سول جارىستا تاعى بىرنەشە ايگىلى بوكسشى رينگكە كوتەرىلەدى. اتاپ ايتساق, 2021 جىلى وتكەن وليمپيا ويىندارىنىڭ كۇمىس جۇلدەگەرى كيشون دەۆيس (9-0, 6 كو) ناحير ولبرايتپەن (16-2, 7 KO) جۇدىرىقتاسادى. توكيو وليمپياداسىندا ءدال سول مەجەدەن كورىنگەن ريچارد توررەس (6-0, 6 KO) دون حەينسۆورتپەن (17-8-1, 15 KO) ايقاسادى. جاپونيانىڭ استاناسىندا جەڭىس تۇعىرىنا كوتەرىلگەن تاعى ءبىر بوكسشى ديۋك رەگان (8-0, 1 KO) حوسە پەرەسپەن (11-1-2, 5 KO) شەبەرلىك بايقاسادى. ەسىمدەرى اتالعان بىلعارى قولعاپ شەبەرلەرىنىڭ العاشقى بەسەۋى – اقش-تان, التىنشىسى – مەكسيكادان.
ەستەرىڭىزگە سالا كەتەيىك, ورتا سالماقتا ونەر كورسەتەتىن ءالىمحان ۇلى مەن گۋالتەري اراسىنداعى جەكپە-جەكتە WBO جانە IBF نۇسقالارى بويىنشا ەكى بىردەي چەمپيوندىق بەلبەۋ ساراپقا سالىنادى.