ۇلەسى مول ينجەنەرلىك جوبالار

– وتكەن جىلى الەم مۇ­حيت­تارىندا 10 مىڭ­نان استام كونتەينەر سۋ استىندا قالدى. ولاردىڭ 1 500-ءنىڭ بورتىندا ۋلى زاتتار بولعاندىقتان, بۇل جاعداي ەكولوگياعا ۇلكەن قاتەر تۋعىزدى. ءبىز وسى باعىت­تا كەمەلەردى قۇتقارۋ جۇيەسىن جاسادىق. ول كەمەلەردى جي­ناپ, قازاقستاننىڭ ەڭ ۇزدىك نەي­روندىق جەلىلەرىن پايدالانا وتىرىپ تاراتادى. جوبانىڭ ماقساتى – جاساندى ينتەللەكتتى پايدالانۋ ارقىلى تەڭىزدەگى لوگيستيكالىق كومپانيالاردىڭ تيىمدىلىگى مەن ونىمدىلىگىن ارتتىرۋ, – دەيدى سايىستىڭ «Future Innovators» ساناتىندا ەكىنشى ورىندى يەلەنگەن استانا قالاسىنداعى NIS IB شاكىرتتەرى, ACRS اقىلدى جۇيەسىنىڭ اۆتورلارى ادىلەت اۋساربەكوۆ پەن ءاليامىر قۇرمانعازى.

سونىمەن قاتار بالالار مۇ­حيتتاعى قوقىس­تاردى باقىلاۋعا كومەكتەسەتىن تسيفرلىق كارتانى تانىستىردى.

تاراز قالاسىنداعى NIS-ءتىڭ جاس كونسترۋكتورلارى دا ەلى­مىز بەن الەمدەگى ەكولو­­­گيا­لىق احۋالدىڭ جاقسارۋى­­نا ءوز ۇلەستەرىن قوسۋعا نيەتتى. ۇش­قىشسىز ءجۇزۋ اپپارات­تارى نىڭ جۇيەسىن 10-سىنىپ وقۋ­شى­لارى, چەمپيوناتتىڭ «Future Innovators» ساناتىنىڭ ۇزدىكتەر رەي­تينگىن باستاپ تۇرعان ايمەر كوشمامەتوۆ پەن اليار ساعىن­دىقوۆ ۇسىندى.

– ءبىز مۇنايدىڭ تەڭىزگە تارالۋ جاعدايىن ءجيى ەستيمىز. الاي­دا بۇگىندە تەڭىزدى تازارتۋدىڭ ءداستۇرلى ادىستەرىنىڭ تيىمدىلىگى از. كاسپي تەڭى­زىنىڭ 5 پايىزىنان استامىندا مۇناي داقتارىن كورۋگە بولادى. مۇنىڭ باستى سەبەبى – مۇناي كولىگىندەگى اپاتتار. وسىنداي قاتەرلى جاعدايلار تۋىنداعاندا مۇنايدىڭ تەڭىزگە تارالىپ كەتۋىن بولدىرماۋ ءۇشىن تەڭىز كولىكتەرىن روبوتتارمەن جابدىقتاۋدى ۇسىنىپ وتىرمىز. توتەنشە جاعداي كەزىندە بۇل دروندار فوندىق توسقاۋىل جاساپ, كەمەنى قورشايدى جانە ارنايى تەحنيكا كەلگەنگە دەيىن مۇنايدىڭ سۋعا تارالىپ كەتۋىنە جول بەرمەيدى, – دەيدى جوبا اۆتورلارى.

الماتى قالاسىنداعى حيميا-بيولوگيا­لىق باعىتىنداعى زياتكەرلىك مەكتەپتىڭ 9-سىنىپ وقۋشىلارى, «Future Innovators» سانا­تىنىڭ ۇزدىكتەر رەيتينگىنە ەنگەن دارحان قاراقۇلوۆ پەن دىنمۇحامەد كوشەرباەۆ تەڭىز لوگيستيكاسىن ەكونوميكالىق تۇرعىدان جاق­سارتۋ يدەياسىن قاراستىرىپ, روبوتتەحنيكا مەن باعدارلامالاۋدى تۇيىستىرگەن «اۆتو­مات­تاندىرىلعان پورت كرانى» جوباسىن ازىرلەدى. بو­لاشاق عالىمداردىڭ اي­تۋىن­شا, جوبا پورتتار مەن تە­ڭىز لوگيستيكاسىنداعى وپەرا­تسيا­لاردىڭ قاۋىپسىزدىگىن جاق­سارتۋعا جانە قامتاماسىز ەتۋ­گە باعىتتالعان. ول كونتەي­نەر­لەر­دى ءتيىمدى جانە تەز جىل­جى­تۋ­عا باعىتتالعان اۆتوماتتان­دى­رىلعان كران ۇلگىسىن ۇسى­نادى. بۇل جۇمىس ۋاقىتىن قىس­قار­تۋمەن قاتار ەڭبەك شىعىندارىن ازايتىپ, پورت قىزمەتىنىڭ جالپى ونىمدىلىگىن ارتتىرادى.

«World Robot Olimpiad-­2023» ۇلتتىق چەمپيوناتى قو­رى­تىندىسىنا سايكەس, رەس­پۋب­ليكامىزدىڭ بارلىق وڭىرى­نەن كەلگەن قاتى­سۋشىلاردىڭ ىشىنەن توپ جارىپ 24 كوماندا جەڭىمپازدار مەن جۇلدەگەر­لەر قاتارىنان تابىلسا, 32 توپ ۇزدىكتەر رەيتينگىنە كىردى. 1-ورىنعا يە بولعان كوماندالار بيىل قاراشا ايىندا «World Robot Olimpiad-2023» الەمدىك وليم­پياداسىنا قاتىسۋ ءۇشىن پاناما ەلىنە اتتانادى.

الماتى