جەڭىمپازدار تورگە شىقتى

وبلىستىق قوعامدىق دامۋ باس­قارماسى باسشىسىنىڭ ورىنبا­سارى ابىلايحان كاكەنوۆتىڭ ايتۋىنشا, ەل كولەمىندە وسىمەن ونىنشى, ال وبلىستا توعىزىنشى رەت ءوتىپ جاتقان بايقاۋعا بۇگىن­گە دەيىن وڭىردەن ءوز اۋىل-ايماعىن­دا كوپكە ۇلگى-ونەگە بولىپ وتىر­عان 800-دەن اسا وتباسى قاتىس­قان. بيىلعى بايقاۋدىڭ ءبىر ەرەك­شەلىگى – جاس وتباسىلار جا­عى باسىم. ولاردىڭ ىشىندە قازاق­تار­دان بولەك, پولياك, ۋكراين, ازەر­­بايجان, شەشەن ۇلتىنىڭ وكىل­دەرى دە بار.

سالتاناتتى جيىنعا قاتىسۋ­شىلاردى اۋەلى وبلىس اكىمىنىڭ ورىنباسارى قۇتتىقتادى.

– وتباسى – قوعامدى جاڭعىرتۋ مەن بىرىكتىرۋگە شاقىراتىن, كەز كەلگەن ورتادا ابىرويلى بولۋ­عا تاربيەلەيتىن الەۋمەتتىك-ما­دەني ينستيتۋت. حالقىمىز ءۇشىن قاستەرلى, قاسيەتتى ۇعىم. قا­زاق­تىڭ «وتان وتباسىنان باستا­لادى» دەگەن دانا ءسوزى بەكەر اي­تىل­ماعان. سەبەبى ۇرپاقتار ساباق­تاستىعى, ۇلكەنگە قۇرمەت, كىشىگە قامقورلىق سىندى اسىل قاسيەتتەر وتباسىندا قالىپتاسادى. ءبىز ءۇشىن تالاي جىلدان بەرى ءوتىپ كەلە جاتقان «مەرەيلى وتباسى» بايقاۋىنىڭ ماڭىزى زور. وسى سالتاناتتا وبلىسىمىزدىڭ تۇكپىر-تۇكپىرىنەن كەلگەن كوپ­شىلىككە ۇلگى بولاتىن وتباسىلار­عا العىس ايتىپ, قۇرمەت كورسەت­پەكپىز. بۇگىندە ەلىمىزدە كوپبالا­لى وتباسىلارعا, جاس وتباسى­لارعا, سونداي-اق تولىق ەمەس وت­باسىلارعا كوپتەگەن قامقور­لىق, قولداۋ كورسەتىلەدى. مىسا­لى, قوستاناي وبلىسىندا «قوستا­ناي جاستارى» تۇرعىن ءۇي باعدار­لاماسى ىسكە اسىرىلىپ جاتىر. بۇل باعدارلاماعا بىلتىر 700 ملن تەڭگە ءبولىنىپ, 200-گە جۋىق جاس وتباسى جاعدايلارىن جاقسارتىپ الدى. بيىل اتالعان باعدارلاماعا 2 ملرد تەڭگەدەن اساتىن قارجى ءبولىنىپ, پاتەر جالداپ جۇرگەن جاس وتباسىلاردىڭ باسپانالى بولۋىنا جول اشىلىپ جاتىر, – دەدى ر.مۇحامەتقاليەۆ.

ۇمىتكەرلەردىڭ اراسىندا قارا­پايىم ەڭبەككەرلەر اۋلەتى, سپورتشىلار, مۇعالىمدەر, دارىگەرلەر وتباسى بار. مىسالى, ارقالىق قالاسىنان كەلگەن ەرادىلوۆ وتباسىن الساق, وتاعاسى قالالىق بالالار جانە جاسوسپىرىمدەر سپورت مەكتەبىنىڭ اعا باپكەرى ازا­مات – تالاي بالانى ۇلتتىق كۇ­رەسكە باۋلىعان تالىمگەر, قازاق­ستاننىڭ سپورت شەبەرى, «قۇرمەتتى سپورت قىزمەتكەرى» توسبەلگىسىنىڭ يەگەرى, قازاق كۇرەسىنەن ۇلت­تىق سپورتتىق تورەشىسى, بىرنەشە رەت «ۇزدىك باپكەر» اتانعان ابزال ازامات. جۇبايى گۇلدەن قوقاشوۆا ارقالىق پوليتەحنيكالىق كول­لەد­جىندە ۇستازدىق ەتەدى. 2018 جىلى جاڭاشىل پەداگوگ اتانعان, ارقالىق اكىمىنىڭ قۇرمەت گراموتاسىمەن ماراپاتتالعان. وسى ءۇيدىڭ تۇڭعىشى ايارۋ كەيكى باتىر اتىنداعى ورتا مەكتەپتىڭ 9-سىنىبىندا وقيدى. ينفورماتيكا, اعىلشىن ءتىلى پاندەرى بويىنشا وتكەن ءبىلىم بايقاۋلارىندا, سونداي-اق زياتكەرلىك وليمپيا­دالاردا جۇلدەلى ورىنداردان كورىنىپ كەلەدى. ورتانشى ۇل نۇراسىل اتالعان مەكتەپتىڭ 7-سىنىپ وقۋشىسى, قازاق كۇرەسىنەن ءوتىپ تۇراتىن اۋداندىق, قالالىق جارىستاردا جۇلدەلى ورىنداردى جەڭىپ الىپ ءجۇر.

بايقاۋعا تۇسكەن 20 ۇمىت­كەر­دىڭ ىشىنەن التىنسارين اۋدانىنا قاراستى شەرباكوۆ اۋىلىندا تۇراتىن ەرماعامبەتوۆ وتبا­سىنىڭ باعى اسىپ, باس جۇلدە بۇيى­رىپ, بيىلعى مەرەيلى وتباسى اتاندى. ءوسىپ-ونگەن اۋلەت­تىڭ اقساقالى ءالتاي قاريا مەن زىليحا اجەي تاربيەلەپ وسىرگەن 10 بالادان بۇگىندە 20 شاقتى نەمەرە-شوبەرە ءسۇيىپ وتىر. ءالتاي ەرماعامبەتوۆ ناۋرىزىم اۋدانىندا 40 جىل مەحانيزاتور بولىپ جۇمىس ىستەگەن. زەي­نەت­تەگى قاريا ۇيدە ءبىر كۇن قول قۋ­سىرىپ قاراپ وتىرۋدى بىلمەيدى. قوعامدىق جۇمىستارعا بەلسەنە ارالاسىپ, ۇنەمى شاپقىلاپ جۇرەدى. اۋداندىق ارداگەرلەر كەڭەسى مەن جەرگىلىكتى اكىمدىك جانىنداعى قوعامدىق كەڭەستىڭ مۇشەسى. بالالارىنىڭ ءبارى قا­زىر بولەك-بولەك ءۇي بولىپ, ار­قايسىسى ءوز ورنىن تاپقان. ور­تان­شى قىزى گۇلشات كەنە­شوۆانىڭ ماماندىعى تاربيەشى بولعانى­مەن, مەكتەپتە ۆاحتەر بولىپ جۇ­مىس ىستەيدى. جول­داسى تولەۋ­حان ەكەۋى ءتورت بالا تاربيەلەپ وتىر. تو­لەۋ­حان – قازىر كۇزگى جيىن-تەرىن جۇمىس­تارىندا. ودان بوسا­عان سوڭ قىستاي ءۇي شارۋا­سىمەن اينالىسىپ, قولداعى ما­لىنا قا­رايدى. گۇلشات بوس ۋاقىتىندا تاپسىرىسپەن كورپە-جاستىق, دوربا, قىز جاساۋىنا قاجەت بۇيىم­­­دار تىگەدى. ونىڭ سىرتىندا نەشە ءتۇرلى شاعىن كادەسىيلار جا­ساپ ساتىپ, تابىس قىلادى. ىسمەر وسى ونەگەنىڭ ءبارى اناسىنان جۇق­قانىن ايتادى.

– اناشىم مەن ەس بىلگەلى ءۇش جەردە جۇمىس ىستەپ ءجۇرىپ ءبىزدى باق­­تى, قاقتى, جەتكىزدى. قولى قالت ەتكەندە تىگىن تىگىپ, ءجۇن ءيى­رىپ, ش ۇلىق توقىپ وتىراتىن. سو­نىڭ ءبارىن كورىپ وستىك. انام قازىر ءۇش سيىر, مەن بەس سيىر ساۋامىن. ونىڭ قۇرتى, ىرىمشىگى, قايماق-مايى قىسى-جازى ۇزىلمەيدى, –دەيدى ىسمەر.

ءالتاي قاريانىڭ كەنجەسى جان­سايا ەرماعامبەتوۆا – سپورت شەبەرى. 2022 جىلى ۇلتتىق سپورت ءتۇرى جەكپە-جەكتەن قازاقستان چەمپيونى, قازاقستان كۋبوگىنىڭ يەگەرى. پانكراتيوننان قازاقستان بىرىنشىلىگىنىڭ كۇمىس جانە قولا جۇلدەگەرى. 2021 جىلى ابۋ-دابيدە وتكەن حالىقارالىق جارىستا قولا مەدال ۇتىپ العان. قازىر ءوڭىردىڭ تاڭداۋلى كاسىبي سپورتشىلارىنىڭ ساناتىندا.

الداعى ۋاقىتتا ەرماعام­بەتوۆ وتباسى وبلىس اتىنان استانادا وتەتىن «مەرەيلى وتباسى» ۇلتتىق بايقاۋىنا قاتىسادى.

قوستاناي وبلىسى