اكىمدىك گرانتى

جاقىندا ۇلتتىق بىرىڭعاي تەستىلەۋ ناتيجەسىندە ءبىلىم گرانتىن جەڭىپ العانداردىڭ ءتىزىمى جاريالاندى. بىرەۋ قۋانسا, بىرەۋ مۇڭايدى. بىراق تىزىمنەن اتىن تابا الماعاندارعا ءالى مۇمكىندىك كوپ. سولاردىڭ ءبىرى – اكىمدىك تاراپىنان بولىنەتىن گرانتتار. استانا قالاسى اكىمدىگىنىڭ ءبىلىم گرانتىنا ەلوردا مەكتەپتەرىنىڭ تۇلەكتەرى عانا ەمەس, ەلىمىزدىڭ باسقا وڭىرلەرىندەگى تالاپكەرلەر دە ۇمىتكەر بولا الادى. استانا قالاسى اكىمدىگىنىڭ مالىمەتىنشە, گرانت بويىنشا جوعارى وقۋ ورنىنا تۇسۋگە وتىنىشتەردىڭ سانى ارتقان جاعدايدا ازاماتتارعا بەكىتىلگەن مەملەكەتتىك ءبىلىم بەرۋ تاپسىرىسىنداعى كۆوتالار ەسەپكە الىنادى.

اكىمدىك تاراپىنان مەديتسينا (رەزيدەن­تۋرا) بويىنشا 96 گرانت, پەداگوگيكا (باكا­لاۆريات) – دەنەشىنىقتىرۋ, شەت ءتىلى, گەوگرافيا, تاريح, پەداگوگيكا جانە پسي­حولوگيا, ماتەماتيكا, ينفورماتيكا, ورىس ءتىلى مەن ادەبيەتى, فيزيكا, حيميا, بيو­لوگيا, دەفەكتولوگيا بويىنشا 948 گرانت, گۋمانيتارلىق پاندەر (باكالاۆريات, ماگيس­تراتۋرا) – يسلامتانۋ, ءدىنتانۋ, تەولوگيا بويىنشا 40 گرانت بولىنگەن. پەدا­گوگيكالىق ماماندىقتار بويىنشا مەملەكەتتىك ءبىلىم گرانتىنا ۇلتتىق بىرىڭ­عاي­ تەستىلەۋدى تاپسىرعان جانە كەمىندە 75 بالل­ جيناعان تالاپكەرلەر ۇمىتكەر بولا الادى.

باكالاۆرياتقا قۇجاتتار 5 تامىزدان­ 15 تامىزعا دەيىن, ماگيستراتۋراعا, رەزي­دەن­تۋراعا 25 تامىزعا دەيىن قابىل­دا­نا­دى. استانا قالاسى اكىمدىگىنىڭ گرانتى­نا ۇمىتكەر تالاپكەرلەر قۇجاتتاردى ل.ن.گۋميلەۆ اتىنداعى ەۋرازيا مەملە­كەت­­تىك ۋنيۆەرسيتەتىنە (133 گرانت), ا.قۇسا­يىنوۆ اتىنداعى ەۋرازيالىق گۋماني­تار­لىق ينستيتۋتىنا (170 گرانت), «استانا» حالىق­­ارالىق ۋنيۆەرسيتەتىنە (595 گرانت),­ ءا.مارعۇلان اتىنداعى پاۆلودار پەداگو­گي­كا­لىق ۋنيۆەرسيتەتىنە (50 گرانت), جالپى سپورت­تىق دەنەشىنىقتىرۋ اكادەمياسىنا (10 گرانت), ءال-فارابي اتىنداعى كازاق ۇلتتىق ۋنيۆەرسيتەتىنە (8 گرانت), ياساۋي اتىنداعى حالىقارالىق قازاق-تۇرىك ۋنيۆەر­سيتەتىنە (12 گرانت), «نۇر-مۇباراك» ەگيپەت يسلام مادەني ۋنيۆەرسيتەتىنە (10 گرانت), ۇلتتىق عىلىمي كارديوحيرۋرگيا ورتالىعىنا (11 گرانت), «استانا» مەديتسينالىق ۋنيۆەرسيتەتىنە (85 گرانت) بارىپ, قابىلداۋ كوميسسيالارىنا تاپسىرا الادى.