قۇجات تاپسىرۋدىڭ ونلاين جولى

جوعارى وقۋ ورنىنا قۇجات­تاردى ونلاين تاپسىرۋ تالاپكەر­لەر­گە ءتيىمدى-اق, اسىرەسە وزگە وڭىر­لەردەن كەلەتىندەرگە. ويتكەنى الىس جولدى ەڭسەرىپ, استاناعا كەلۋدىڭ قاجەتى جوق. وسىلايشا, ۆيرتۋالدى فورماتتا قابىلداۋ ءتاسىلى شىعىندى ازايتىپ, ۋا­قىت­تى ۇنەمدەۋگە مۇم­كىندىك بەرىپ وتىر.

تالاپكەرلەر قۇجاتتارىن تاپسىرىپ, وقۋ شارتىنا ەلەكتروندى قولتاڭبا ارقىلى قول قويادى. ۋنيۆەرسيتەت اكىمشىلىگىنىڭ ايتۋىنشا, تالاپكەرلەرگە قولايلى بولۋ ءۇشىن ۆيرتۋالدى كونسۋلتاتسيالار Whereby پلاتفورماسىندا وتكىزىلگەن. سونداي-اق قابىلداۋدىڭ جاڭا ءتاسىلىنىڭ ەڭ ءبىر ارتىقشىلىعى – CRM جۇيەسى ارقىلى ءاربىر تالاپكەرگە جەكە كەڭەسشى تاعايىندالعان. جەكە كەڭەسشى تالاپكەردىڭ وقۋعا تۇسۋىنە دەيىنگى ۇدەرىستى تو­لىقتاي نازارىندا ۇستاپ, ساپا­لى ءارى ۋاقىتىلى قىزمەت كور­سەتەدى.

ۆيرتۋالدى قۇجات تاپسىرعان تالاپكەرلەردىڭ اتا-انالارى جاڭا ءتاسىلدىڭ ءتيىمدى تۇستارى مەن ارتىقشىلىعى كوپ ەكەنىن اي­تادى.

– اقتاۋ قالاسىندا تۇراتىن­دىق­تان, قاجەتتى قۇجاتتاردى ونلاين تاپسىرۋ وتە ىڭعايلى بول­­دى. ءبىز قابىلداۋ كوميسسيا­سىنا جۇگىنىپ, نۇراي اتتى قىزدى جەكە كەڭەسشى رەتىندە تاڭدادىق. كەڭەسشىمىز ءوتىنىش بەرۋ ۇدەرى­سىن­دە بىزبەن بايلانىستا بولىپ, قابىلداۋعا قاجەتتى قۇجاتتى جي­ناۋعا كومەكتەستى, – دەيدى اق­­تاۋ­لىق تالاپكەردىڭ اناسى اقمارال.

ۋنيۆەرسيتەت ونلاين كەزەك جۇيەسىن دە قاراستىرعان. ياعني تا­لاپكەرلەر جەكە كەڭەسشىنى تاڭ­داپ, تىركەلەدى. سونداي-اق قىز­مەت ساپاسىن ودان ءارى جاقسار­تۋ­عا كەڭەسشىنىڭ جۇمىسىن باعا­لاۋ جۇيەسى بار. كەڭەس بەرۋ اياقتال­عان­نان كەيىن تالاپكەرلەر ءتۇسىن­دىرۋ بارىسىنداعى كەمشى­لىك­تەر­دى نەمەسە وزىنە ۇناعان ار­تىقشىلىقتاردى جازا الادى.

– ءبىز ۋنيۆەرسيتەتىمىزگە تۇسكىسى كەلەتىن تالاپكەرلەردىڭ قابىلداۋ ءۇردىسىن بارىنشا قولجەتىمدى ءارى ىڭعايلى ەتۋگە تىرىسامىز. قۇجاتتاردى تاپسىرۋدىڭ جاڭا تاسىلدەرىن ەنگىزۋ جانە جەكە كەڭەس بەرۋ تالاپكەرلەرگە وسى ماڭىزدى كەزەڭنەن وڭاي وتۋگە كومەكتەسەدى, – دەدى Maqsut Narikbayev University قابىل­داۋ كوميسسياسىنىڭ جەتەك­شىسى ارمان سەرىكجان ۇلى.

ۋنيۆەرسيتەت قولدانىسقا ەن­گىز­گەن ۆيرتۋالدى پلاتفورمادا قابىلداۋ ءادىسى كوپ جاعىنان ءتيىمدى. وزگە ۋنيۆەرسيتتەرگە دە ۇلگى بولاتىنداي جاقسى مىسال.