QazIndustry قازاقستاندىق يندۋستريا جانە ەكسپورت ورتالىعىنىڭ حابارلاۋىنشا, وتاندىق ونەركاسىپ كاسىپورىندارىنان شىعىنداردىڭ ءبىر بولىگىن وتەۋ جونىندە 200-گە جۋىق ءوتىنىم كەلىپ تۇسكەن. 64 ءوتىنىم ىشكى نارىققا ونىمدەر مەن قىزمەتتەردى ىلگەرىلەتۋگە قاتىستى بولسا, 132 ءوتىنىم – ەڭبەك ونىمدىلىگىن ارتتىرۋ جايىندا.
مەملەكەتتىك ىنتالاندىرۋ شارالارىن ىسكە اسىرعان 6 اي ىشىندە QazIndustry قازاقستاندىق كاسىپورىنداردىڭ 94 ملن تەڭگەدەن اسا قاراجاتقا شىعىندارىن وتەۋگە قولعابىس ەتكەن. وتىنىمدەردىڭ باسىم بولىگى الماتى, شىمكەنت, استانا, قاراعاندى جانە اقتوبە وبلىستارىنان كەلگەن. سالالار بويىنشا جەڭىل ونەركاسىپ, ماشينا جاساۋ جانە اگروونەركاسىپ كەشەنى سەكتورىنداعى كاسىپورىنداردان ءوتىنىش كوپ تۇسكەن.
بيىلعى قاڭتار-ماۋسىم ارالىعىندا ورتالىق ماماندارى كاسىپورىنداردىڭ شىعىندارىن وتەۋ تەتىكتەرىن تۇسىندىرۋگە قاتىستى 200-دەن اسا كونسۋلتاتسيا, سونداي-اق اشىق ەسىك كۇندەرى جانە كاسىپورىن وكىلدەرىمەن كەزدەسۋلەر وتكىزگەن. بۇعان قوسا وڭىرلەردە كوشپەلى سەمينارلار مەن ۆەبينارلار دا ۇيىمداستىرىلىپ تۇرادى.
QazIndustry يندۋستريا جانە ەكسپورت ورتالىعى كاسىپورىنداردىڭ ەڭبەك ونىمدىلىگىن ارتتىرۋعا جانە ءونىمدى ىشكى نارىققا جىلجىتۋعا جۇمساعان شىعىندارىنىڭ ءبىر بولىگىن وتەۋگە جاردەمدەسىپ كەلەدى. مەملەكەتتىك ىنتالاندىرۋ شارالارى تۋرالى تولىق اقپاراتتى ورتالىقتىڭ سايتى ارقىلى «بيزنەستى ىنتالاندىرۋ» بولىمىنەن بىلۋگە بولادى. سونىمەن بىرگە اشىق ەسىك كۇندەرى دە ۇدايى وتكىزىلەتىنىن ايتا كەتەيىك.