ءىىم وكىلدەرى كامەلەت جاسىندا تۋىسى تاراپىنان زورلىق كورگەنىن مالىمدەگەن جىگىتتىڭ ارىزىنان كەيىن تەكسەرۋ باستالعانىن حابارلادى. قازىرگى ۋاقىتتا ارىز يەسى قىتايدا ءجۇر, دەپ حابارلايدى Egemen.kz.
ىشكى ىستەر مينيسترلىگى پروديۋسەرگە قاتىستى زورلاۋ فاكتىسى بويىنشا تەكسەرۋ جۇمىستارىن باستادى. بۇل تۋرالى ءماجىلىس كۋلۋارىندا ىشكى ىستەر ءمينيسترىنىڭ ورىنباسارى سانجار ءادىلوۆ مالىمدەدى.
بۇعان دەيىن جاس اكتەر نۇرعالي نۇعمان Instagram پاراقشاسىندا ۆيدەوۇندەۋ جاريالاپ, بالا كەزىندە تۋىسى تاراپىنان جىنىستىق زورلىق كورگەنىن ايتقان بولاتىن. ونىڭ سوزىنشە, اتالعان ادام بالالار جوباسىنىڭ پروديۋسەرى بولعان.
پروديۋسەردەن زورلىق كورگەن: «Balapan» تەلەارناسى نۇرعالي نۇعماننىڭ جازباسىنا قاتىستى پىكىر ءبىلدىردى
ءىىم مالىمەتىنشە, الەۋمەتتىك جەلىلەر مەن بۇقارالىق اقپارات قۇرالدارىندا اقپارات تاراعاننان كەيىن پوليتسيا جەدەل تۇردە ارەكەت ەتكەن.
سانجار ءادىلوۆ قازىرگى ۋاقىتتا بارلىق ايتىلعان دەرەكتەر تەكسەرىلىپ جاتقانىن جەتكىزدى. ونىڭ ايتۋىنشا, ارىز يەسى ازىرگە قازاقستاننان تىس جەردە, قىتايدا ءجۇر.
پوليتسيا وكىلدەرى نۇرعالي نۇعمان ەلگە ورالعاننان كەيىن قاجەتتى تەرگەۋ ارەكەتتەرى جۇرگىزىلەتىنىن ايتتى.