الماتى اۋەجايىنان تاعى ءبىر حالىقارالىق رەيس ىسكە قوسىلدى. ەندى ەل تۇرعىندارى الماتىدان گونكونگكە تىكەلەي ۇشا الادى, دەپ حابارلايدى Egemen.kz.
بۇل تۋرالى پرەمەر-مينيستر ولجاس بەكتەنوۆ پەن گونكونگ ارنايى اكىمشىلىك اۋدانىنىڭ باسشىسى دجون ليمەن كەزدەسۋى بارىسىندا ايتىلدى.
جوسپارعا سايكەس, 2027 جىلدىڭ ءبىرىنشى توقسانىنان باستاپ Cathay Pacific اۋە كومپانياسى الماتى مەن گونكونگ اراسىنداعى تىكەلەي رەيستەردى ىسكە قوسۋدى كوزدەپ وتىر. رەيستەر Airbus A330-300 كەڭ فيۋزەلياجدى ۇشاقتارىمەن اپتاسىنا ءۇش رەت ورىندالادى.
ايتا كەتەيىك, Cathay Pacific – گونكونگتىڭ فلاگماندىق اۋە كومپانياسى. ول گونكونگ حالىقارالىق اۋەجايىندا بازالانىپ, الەمنىڭ 200-دەن استام باعىتىنا جولاۋشىلار جانە جۇك تاسىمالىن ورىندايدى.
31 شىلدەدەن باستاپ الماتىدان يزميرگە تىكەلەي رەيستەر اشىلادى
ەسكە سالا كەتەيىك, بۇعان دەيىن پرەزيدەنت گونكونگ اكىمشىلىگىنىڭ باسشىسى دجون ليمەن كەزدەستى. وسىدان سوڭ قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين گونكونگ اكىمشىلىگىنىڭ باسشىسىمەن كەلىسسوزدەر وتكىزدى. كەلىسسوزدەر اياسىندا قازاقستان گونكونگقا قۇنى 100 ملرد دوللاردان اساتىن جوبالاردى ۇسىندى.