باتىس قازاقستان وبلىسىندا جازعى ساۋىقتىرۋ ماۋسىمى قارساڭىندا جۇرگىزىلگەن تەكسەرۋ بارىسىندا بالالار لاگەرلەرىندە جۇمىس ىستەۋگە نيەت بىلدىرگەن بىرنەشە ادامنىڭ بۇرىن سوتتالعانى انىقتالدى. پوليتسيا مالىمەتىنشە, ولاردىڭ قۇجاتتارى ءتيىستى شەشىم قابىلداۋ ءۇشىن ۋاكىلەتتى ورگاندارعا جولدانعان, دەپ حابارلايدى Egemen.kz.
باتىس قازاقستان وبلىسىندا بالالاردىڭ جازعى دەمالىسىن ۇيىمداستىراتىن مەكەمەلەردىڭ قىزمەتكەرلەرىن تەكسەرۋ كەزىندە بىرقاتار زاڭ بۇزۋشىلىقتار انىقتالدى.
پوليتسيا قىزمەتكەرلەرى ءبىلىم باسقارماسى ۇسىنعان قىزمەتكەرلەر ءتىزىمىن زەردەلەۋ ناتيجەسىندە سەگىز ادامنىڭ بۇرىن قىلمىستىق جاۋاپكەرشىلىككە تارتىلعانىن انىقتاعان. سونىمەن قاتار تاعى بەس ادامنىڭ اكىمشىلىك قۇقىق بۇزۋشىلىق جاساعانى بەلگىلى بولدى.
اتالعان ماتەريالدار زاڭعا سايكەس شارا قابىلداۋ ءۇشىن قۇزىرلى ورگاندارعا جىبەرىلدى.
ەلىمىزدە بالالار لاگەرلەرىنە قانداي تالاپتار ەنگىزىلدى؟
بقو پوليتسيا دەپارتامەنتى قوعامدىق قاۋىپسىزدىك باسقارماسىنىڭ اعا ينسپەكتورى اليشەر ۋتەگەنوۆنىڭ ايتۋىنشا, تەكسەرۋ لاگەرلەر جۇمىسىن باستاماي تۇرىپ جۇرگىزىلگەن.
ونىڭ سوزىنشە, ءبىلىم باسقارماسى ۇسىنعان تىزىمدەر نەگىزىندە قىزمەتكەرلەردىڭ قىلمىستىق جانە اكىمشىلىك جاۋاپكەرشىلىككە قاتىسى بار-جوعى مىندەتتى تۇردە تەكسەرىلەدى.
بيىل وڭىردە 16 قالا سىرتىنداعى لاگەر, 500 مەكتەپ جانىنداعى دەمالىس الاڭى جانە 7 شاتىرلى لاگەر بالالاردى قابىلداي باستادى.
ليتسەنزياسى جوق لاگەرلەر جابىلا ما؟
پوليتسيا دەپارتامەنتى بالالاردىڭ قاۋىپسىزدىگى ۆەدومستۆو باسشىلىعىنىڭ ەرەكشە باقىلاۋىندا ەكەنىن اتاپ ءوتتى.