قاسىم-جومارت توقاەۆ ۇكىمەت پەن اكىمدىكتەرگە «تازا قازاقستان» تۇجىرىمداماسىن ورىنداۋ كونستيتۋتسيالىق مىندەت ەكەنىن ەسكە سالدى. مەملەكەت باسشىسى Alatau City جوباسىن دامىتۋ بارىسىندا قالانى اباتتاندىرۋعا, قوعامدىق كەڭىستىكتەردى كوبەيتۋگە جانە ەكولوگيالىق مادەنيەتتى قالىپتاستىرۋعا ەرەكشە كوڭىل ءبولۋ قاجەت ەكەنىن ايتتى, دەپ حابارلايدى Egemen.kz.
«تۇتاستاي العاندا, قالانى ءتيىمدى نەگىزدە سالىپ, جان-جاقتى دامىتۋ كەرەك. بارلىق نىساندار قۇرىلىس سالاسىنداعى وزىق حالىقارالىق تالاپتار مەن ەرەجەلەرگە تولىق ساي بولۋعا ءتيىس. جالپى, Alatau city تۇجىرىمداماسىنىڭ ماقساتى – بيزنەسكە قولايلى جاعداي جاساۋ, ينۆەستيتسيالىق جوبالاردى ىسكە قوسۋ, جۇرتتى جۇمىسپەن قامتۋ جانە زاماناۋي ينفراقۇرىلىم سالۋ. قالا ءتورت اۋدانعا بولىنەدى. بوي كوتەرەتىن عيماراتتاردىڭ بارلىعى حالىقارالىق ىسكەرلىك جانە يننوۆاتسيالىق ورتالىقتارعا قويىلاتىن تالاپقا سايكەس بولۋى كەرەك», دەدى پرەزيدەنت.
«باياعى جارتاس – سول جارتاس»: پرەزيدەنت قوناەۆ قالاسىنىڭ ينفراقۇرىلىم قۇرىلىسىن سىنعا الدى
سونداي-اق ول قالانى اباتتاندىرۋعا جانە جايلى قوعامدىق ورىندار سالۋعا ەرەكشە نازار اۋدارۋ قاجەت ەكەنىن ايتتى.
«وسىعان بايلانىستى ۇكىمەتكە, اكىمدەرگە تاعى دا ايتارىم: «تازا قازاقستان» تۇجىرىمداماسىنىڭ ورىندالۋى, بۇل – كونستيتۋتسيالىق مىندەت. «تازا» دەگەن ءسوزدىڭ ماعىناسى كوپقىرلى. بۇل – قالالارىمىزدى تازالاۋ, كوگالداندىرۋ, كوركەيتۋ, اباتتاندىرۋ دەگەن ءسوز. سونىمەن قاتار بۇل – نيەتىمىزدىڭ تازالىعىن ساقتاۋ, وتانشىلدىعىمىزدى پاش ەتۋ دەگەن ءسوز. «تازا قازاقستان» جالپىحالىقتىق قوزعالىسى ادىلەتتى قازاقستاننىڭ بولمىسىنا, ءتىپتى, ونىڭ تۇتاس يدەولوگياسىنا اينالۋى كەرەك», دەدى پرەزيدەنت.
مەملەكەت باسشىسى: Alatau city جوباسىنا زور ءۇمىت ارتىپ وتىرمىز