مەملەكەت باسشىسى قاسىم-جومارت توقاەۆ الاتاۋ قالاسىن دامىتۋ جونىندەگى كەڭەستە ءسوز سويلەدى. وندا ول Alatau city جوباسىنا زور ءۇمىت ارتىپ وتىرعانىن جەتكىزدى, دەپ حابارلايدى Egemen.kz.
«وزدەرىڭىز دە بىلەسىزدەر, جاڭا قالا سالۋ تۋرالى شەشىم ەكونوميكامىزدا كۇردەلى جاعداي بولعان كەزدە قابىلداندى. بىراق ءبىز بۇل ماسەلەگە بايىپپەن قارادىق. اسىعىستىققا جول بەرگەن جوقپىز.Alatau city جوباسى – شىن مانىندە, جان-جاقتى زەردەلەندى, پىسىقتالدى دەپ ايتۋعا بولادى. جالپى, الەمدىك تاجىريبەگە قارايتىن بولساق, ءدال وسى بولاشاق قالالارىن سالۋ ارقىلى ەل دامۋىن جاڭا ساپالىق دەڭگەيگە كوتەرۋگە زور مۇمكىندىك تۋادى. مىسالى, دۋباي, شەنچجەن, ينچحون, تاعى دا بىرقاتار قالانىڭ ءساتتى جوبالار ەكەنى بارشاعا ءمالىم. سول سەبەپتى ءبىز دە Alatau city جوباسىنا زور ءۇمىت ارتىپ وتىرمىز. بۇل ىستە ەڭ الدىمەن قۇقىقتىق سۇراقتاردى, جەر جانە ينفراقۇرىلىم ماسەلەلەرىن شەشۋ قاجەت», دەدى پرەزيدەنت.
وسى رەتتە مەملەكەت باسشىسى اتالعان باستامانى ىسكە اسىرۋدىڭ باستاپقى كەزەڭىندە بىرقاتار نەگىزگى باعىتقا باسا ءمان بەرۋ كەرەك ەكەنىن اتاپ ءوتتى.
پرەزيدەنت: الاتاۋ قالاسى قۇرىلىسىنىڭ نەگىزگى قاعيدالارى جاڭا كونستيتۋتسياعا ەنگىزىلدى
ايتا كەتەيىك, بۇگىن مەملەكەت باسشىسى جۇمىس ساپارىمەن الماتى وبلىسىنا باردى.