الاتاۋ قالاسىن دامىتۋعا ارنالعان كەڭەستەگى سويلەگەن سوزىندە قاسىم-جومارت توقاەۆ Alatau City ۇلكەن دەرەكتەردى, وزىق تەحنولوگيالاردى جانە «اقىلدى» باسقارۋ تەتىكتەرىن نەگىزگە الا وتىرىپ, ينفراقۇرىلىمى, قالالىق سەرۆيستەرى مەن ەكونوميكاسى ءوزارا ىقپالداستىرىلعان العاشقى تولىق تسيفرلىق قالا بولاتىنىن اتاپ ءوتتى, دەپ حابارلايدى Egemen.kz.
پرەزيدەنتتىڭ ايتۋىنشا, قالانى دامىتۋدىڭ ورنىقتى مودەلىن قۇرۋ قاجەت.
«جوبانى جۇزەگە اسىرۋ ايتارلىقتاي كۇردەلى جانە وپەراتسيالىق شىعىنداردى قاجەت ەتەدى. بۇل ورايدا تۇراقتى, بولجامدى كىرىس بازاسىن قالىپتاستىرعان ءجون. قازىرگى قارجىلىق-ەكونوميكالىق مودەلدىڭ كەلەشەك شىعىنداردى جابا الماي قالۋ قاۋپى دە بار. ينۆەستيتسيا اعىنى مەن بيزنەستى دامىتۋعا باسا ءمان بەرىپ وتىرمىز. دەگەنمەن بۇل – كەپىلدىك بەرىلگەن تابىس كوزى ەمەس, بار بولعانى بولجام مەن ءۇمىت قانا», دەدى پرەزيدەنت.
پرەزيدەنت: الاتاۋ قالاسى قۇرىلىسىنىڭ نەگىزگى قاعيدالارى جاڭا كونستيتۋتسياعا ەنگىزىلدى
قاسىم-جومارت توقاەۆتىڭ ايتۋىنشا, بۇدان بولەك, باستاپقى كەزەڭدە كوزدەلگەن جەڭىلدىكتەر سالىق تۇسىمدەرىنىڭ ازايۋىنا اكەلەدى. بۇل قۇرىلىمدىق الشاقتىققا ۇرىندىرۋى مۇمكىن. ويتكەنى قالانى قامتاماسىز ەتۋ مەن دامىتۋعا قاراجات قاجەت كەزدە تۇسىمدەر كەشىگۋى نەمەسە باستاپقىدا تومەن بولۋى ىقتيمال.
«سوندىقتان الاتاۋدى دامىتۋ جونىندەگى كەڭەس قالا اكىمشىلىگىمەن بىرگە ۇزاقمەرزىمدى ورنىقتى دامۋدىڭ ءتيىمدى قارجى-ەكونوميكالىق ۇلگىسىن ازىرلەۋى كەرەك. سونىمەن بىرگە قالانى ستراتەگيالىق جوسپارلاۋعا نەگىز بولاتىن قۇجاتتاردى بەكىتكەن ءجون. ينۆەستورلار مەن سەرىكتەستەر, ازاماتتار 10, 20 نەمەسە 30 جىلدان كەيىن الاتاۋ قالاسىنىڭ قانداي بولاتىنىن ءتۇسىنۋى قاجەت», دەدى پرەزيدەنت.
مەملەكەت باسشىسى: Alatau city جوباسىنا زور ءۇمىت ارتىپ وتىرمىز
پرەزيدەنتتىڭ سوزىنشە, Alatau City ۇلكەن دەرەكتەردى, وزىق تەحنولوگيالاردى جانە «اقىلدى» باسقارۋ تەتىكتەرىن نەگىزگە الا وتىرىپ, ينفراقۇرىلىمى, قالالىق سەرۆيستەرى مەن ەكونوميكاسى ءوزارا ىقپالداستىرىلعان العاشقى تولىق تسيفرلى قالا بولادى. باستى باعدار – وسى.
«كەلەسى جىلى قالانى دامىتۋعا بەلسەنە كىرىسۋ ءۇشىن ستراتەگيالىق قۇجاتتاردىڭ بارلىعىن (ۇزاقمەرزىمدى جوسپار, كەشەندى باعدارلاما جانە دامۋ ستراتەگياسى) جىل سوڭىنا دەيىن قابىلداۋ كەرەك. مۇنداي ءىرى جانە ۇزاقمەرزىمدى جوبالاردى ىسكە اسىرۋدا پروتسەستى جەدەل, قارقىندى جانە ەڭ اۋەلى ساتىمەن باستاۋ وتە ماڭىزدى. سوزباققا سالساق, ءىس توقىرادى دەپ ساناي بەرىڭىزدەر», دەدى قاسىم-جومارت توقاەۆ.
ايتا كەتەيىك, بۇگىن مەملەكەت باسشىسى جۇمىس ساپارىمەن الماتى وبلىسىنا باردى.