ۇبت تاپسىرۋ كەزىندە قۇقىقتارى بۇزىلعان تالاپكەرلەر كومپلاەنس قىزمەتىنە جۇگىنە الادى. بۇل تۋرالى ۇلتتىق تەستىلەۋ ورتالىعى مالىمدەدى, دەپ حابارلايدى Egemen.kz.
ورتالىق مالىمەتىنشە, تەستىلەۋ پۋنكتتەرىندە قاۋىپسىزدىك پەن باقىلاۋدىڭ بىرنەشە دەڭگەيلى جۇيەسى ەنگىزىلگەن. ەمتيحاننىڭ اشىق ءارى ءادىل ءوتۋىن قامتاماسىز ەتۋ ماقساتىندا كىرەبەرىستەردە مەتالل ىزدەگىشتەر مەن تۇلعانى تانۋ جۇيەسى قولدانىلادى. اۋديتوريالاردا ەمتيحان بارىسى ۇزدىكسىز بەينەباقىلاۋعا جازىلادى.
تەستىلەۋ اياقتالعاننان سوڭ بەينەباقىلاۋ جازبالارى التى اي بويى جان-جاقتى قارالادى.
«تالاپكەرلەرمەن قاتار ورتالىق قىزمەتكەرلەرى دە تەكسەرىلەدى. زاڭسىز كومەك كورسەتكەن نەمەسە ەرەجەنى بۇزعان قىزمەتكەرلەرگە قاتاڭ شارا قولدانىلادى. قاجەت بولعان جاعدايدا ماتەريالدار قۇقىق قورعاۋ ورگاندارىنا جىبەرىلەدى», دەدى ورتالىقتىڭ كومپلاەنس وفيتسەرى عالىمجان مۇحامەدياروۆ.
بيىل ۇبت تاپسىرۋعا 239 مىڭنان استام تالاپكەر تىركەلدى
ەسكە سالايىق, بيىل ۇبت-عا قاتىسۋ ءۇشىن شامامەن 240 مىڭ تالاپكەر تىركەلىپ, ەكى مارتە تەست تاپسىرۋ مۇمكىندىگىمەن 446 مىڭنان استام ءوتىنىش بەرىلگەن. ال 10 مامىردان بەرى ەلىمىزدە 139 مىڭعا جۋىق تۇلەك ۇلتتىق بىرىڭعاي تەستىلەۋىن تاپسىرىپ, ونىڭ 115-ءى ءتارتىپ بۇزعانى ءۇشىن اۋديتوريادان شىعارىلعان.