مەملەكەت باسشىسى قاسىم-جومارت توقاەۆ الاتاۋ قالاسىن دامىتۋ جونىندەگى كەڭەستە ينۆەستيتسيالىق جوبالاردى ىسكە اسىرۋ, ەكولوگيالىق قاۋىپسىزدىك جانە جەردى قالپىنا كەلتىرۋ ماسەلەلەرىنە ەرەكشە نازار اۋداردى, دەپ حابارلايدى Egemen.kz.
پرەزيدەنت ەلىمىزدە ينۆەستيتسيالىق جوبالاردى جۇزەگە اسىرۋ ءۇشىن جەر تەلىمدەرىن پايدالانۋدىڭ ايرىقشا شارتتارى ازىرلەنىپ, بۇل قۇقىقتىق رەجيم كونستيتۋتسيالىق زاڭمەن بەكىتىلگەنىن ايتتى.
«ارنايى باسقارۋ رەجيمىنە سايكەس كەڭەستىڭ, رەتتەۋشى كوميسسيانىڭ جانە قالا اكىمشىلىگىنىڭ قۇزىرەتتەرى ناقتى بەلگىلەندى. سوندىقتان قاعازباستىلىققا سالىنباي, بارىنشا جەدەل جانە ساپالى جۇمىس ىستەۋ كەرەك. الدىمەن باسا نازار اۋداراتىن ماسەلەلەردى قولعا الۋ قاجەت. مىسالى, قوقىس پوليگوندارىنان ۇنەمى ءورت شىعادى, بۇل ماسەلەنى شۇعىل جانە تۇپكىلىكتى شەشكەن ءجون», دەدى مەملەكەت باسشىسى.
پرەزيدەنت: Alatau City العاشقى تولىق تسيفرلى قالا بولادى
سونىمەن قاتار پرەزيدەنت ب ۇلىنگەن جەرلەردى قالپىنا كەلتىرۋ جۇمىستارىنىڭ ماڭىزىن اتاپ ءوتتى.
«قالاعا جاقىن اۋماقتا 30-عا جۋىق جەر قويناۋىن پايدالانۋشى كومپانيا قىزمەت ەتىپ جاتىر. ولاردىڭ باسىم بولىگى ەكولوگيالىق زاڭناما تالاپتارىن جانە ونەركاسىپ قاۋىپسىزدىگىنىڭ نورمالارىن ساقتامايدى. ءتىپتى, مۇنداي زاڭسىز ارەكەتتەر جۇيەلى سيپات الىپ كەتكەن دەپ ايتساق, ارتىق بولمايدى. وكىنىشكە قاراي, قىزمەتىن تولىق نەمەسە ۋاقىتشا توقتاتقان كوپتەگەن كومپانيا جەردى قالپىنا كەلتىرۋ جۇمىسىمەن مۇلدە اينالىسپايدى. وسى ماسەلەنى شەشۋ – جەرگىلىكتى اتقارۋشى ورگاننىڭ تىكەلەي مىندەتى. ۇكىمەت بۇل ماسەلەنى قاتاڭ باقىلاۋدا ۇستاۋعا ءتيىس. پرەزيدەنت اكىمشىلىگى وسى جۇمىسقا قوسىلۋى قاجەت», دەدى قاسىم-جومارت توقاەۆ.
ايتا كەتەيىك, بۇگىن مەملەكەت باسشىسى جۇمىس ساپارىمەن الماتى وبلىسىنا باردى.
پرەزيدەنت الاتاۋ قالاسىن دامىتۋ جونىندەگى كەڭەستە قوناەۆ قالاسىنداعى ينفراقۇرىلىم قۇرىلىسى وتە باياۋ جۇرگىزىلىپ جاتقانىن ايتتى.
سونداي-اق جيىندا مەملەكەت باسشىسى الاتاۋدى كريپتوقالاعا اينالدىرۋدى تاپسىردى.